२१ पुष , काठमाण्डौ।
निर्माणकै चरणमा ब्यापक चर्चा बटुल्दै आएको चलचित्र ‘बलिदान’को छायांकनका लागि ४२ फिट अग्लो कालीदेवीको मुर्ति निर्माण गरिएको छ । मोरङको हसिना सिमसार क्षेत्रमा छायांकनका लागि करिब ४० फिट अग्लो कालीदेवीको मूर्ति निर्माण गरिएको सो चलचित्रका निर्देशक सन्तोष सेनले जानकारी दिएका छन् ।
चलचित्र ‘बलिदान’को छायांकन तीनवटा सेट बनाएर भइरहेको छ । मोरङ र सुनसरीका तीन ठाउँमा तीनवटा सेट बनाएर निर्माणपक्षले छायांकन गरिरहेको छ । इटहरीको बीएमसी स्टुडियो, मोरङको कानेपोखरी र हसिना सिमसारमा स्टुडियो बनाएर छायांकन गरिरहेको निर्देशक सेनले जानकारी दिएका छन् ।
नेपालमा अहिले पनि १ करोड भन्दा तलको बजेटमा समेत एउटा चलचित्र निर्माण हुँदै आएकोमा चलचित्र ‘बलिदान’को सेटमा मात्रै ३ करोड खर्च भइसकेको सेनले बताएका छन् । बस्ती नै निर्माण गरेर छायांकन भइरहेको उनको भनाइ छ ।
तीनवटा सेट बनाउन करिब तीन करोड रुपैयाँ खर्च भएको उनले जानकारी दिए । “तीनवटा सेट बनाउन करिब तीन करोड रुपैयाँ खर्च लागेको छ,” सन्तोषले भने । क्लाइमेक्स सिनका लागि जंगलको बीचमा भब्य सेट लगाएर छायांकन भइरहेको छ ।
उनले कालीदेवीको मूर्ति सार्वजनिक गर्दै भनेका छन्, ’बलिदानझ छायांकन प्रकरणमा कथाको मागअनुसार दानव प्रवृत्तिको संहार गर्ने प्रतीकरुपा देवी काली र तिनको रौद्र ÷ चण्डी स्वरुपलाई प्रतिबिम्ब गर्ने हामीलाई एक अदभूत मूर्तिको आवश्यकता परेको थियो ।
त्यस्तो आकारको मूर्ति देशभरी प्राप्त नहुदा हामीले कलकता सम्म पहुँच बनाएका नेपालका कुशल कालीगढ बाबुराम महतो मार्फÞत लामो समय लगाई ४२ फिट अग्लो काली माताको मूर्ति निर्माण गरेका छौ ।
सुन्दरहरैचा ५ नमुना सामुदायिक मैदानमा त्यस मूर्तिको प्रतिष्ठा गरेका थियौं, त्यो काली चौरका रुपमा प्रख्यात भैरहेको देखेर हर्षित भएका छौँ । अहिले यस स्थानमा हामीले कालीको मूर्तीका साथमा ठूलो स्टेज लगाउदै २०० जति स्टलहरू स्थापना गरेर सर्वसाधारण लाई रोजÞगारको व्यवस्था सहित मिनी बजार लगाउदै बलिदानका विशेष दृश्यहरू खिच्न लागेका छौँ ।
सुरुवातमा चलचित्रको बजेट करिब ६ करोड रुपैयाँ लाग्ने अनुमान निर्माण पक्षको थियो । यद्यपि, सेट निर्माणमा भएको खर्चसँगै बजेट धेरै माथि पुगेको सेनले बताएका छन् । गत भदौ ११ मा पाथीभरा मन्दिरमा पूजाआजा गरी चलचित्रको छायांकन सुरु गरिएको थियो ।
सुरुवातमा ६० दिनको छायांकन तालिका तय गरिए पनि त्यो तालिकाअनुसार छायांकन सम्पन्न हुन सकेन । देशभक्ति भावनाको कथावस्तुमा आधारित चलचित्रमा राजनीतिक विषयसँगै एक्सन ड्रामा समावेश भएको बताइएको छ ।
सन् १८५५ को समयमा नेपाल–तिब्बतबिच चलेको युद्धको समेत कथावस्तु चलचित्रमा समावेश गरिएको छ । ‘बलिदान’को छायांकन अन्तिम चरणमा पुगेको छ । सन्तोष सेनको निर्देशन रहेको ‘बलिदान’ चलचित्रमा समिर भट्ट र सौगात मल्ल मुख्य भूमिकामा छन् ।
समीर र सौगातसँगै अर्पण थापा, दिव्य देव, अभिनेत्री ऋचा शर्मालगायतको अभिनय रहनेछ । आसुसेन फिल्मस् तथा सन्तोष सेनको प्रस्तुति रहने चलचित्रमा निर्माताको रूपमा पवन ब्राडफोर्ड विस्ट तथा सह–निर्माता प्रेम पुरी रहेका छन् । य
सअघि उनी निर्देशित तथा निर्माता समेत रहेको सफल चलचित्र ’प्रेमगीत’ सिरिजले नेपाली सिनेमाको अन्तरास्ट्रिय प्रर्दशनको ऐतिहासिक सुरुवात गरेको थियो । विभिन्न भाषा डब गरिएको ’प्रेमगीत’ ३ चलचित्रले भारतमा समेत चर्चा पाएको थियो ।
