२५ पुष ,काठमाण्डौ।
अमेरिकाको लस एन्जलसको जङ्गलमा लागेको आगलागीका कारण बिहीबार बिहानसम्म पाँच जनाको मृत्यु भएको छ । लस एन्जलस सेरिफको कार्यालयले यसको पुष्टि गरेको हो । वनमा लागेको आगलागीका कारण थप तीन जनाको मृत्यु भएको कार्यालयले जनाएको छ ।
यसअघि अधिकारीहरूले दुई जनाको मृत्यु भएको पुष्टि गरेका थिए । पाँच जनाको मृत्यु अल्टाडेना क्षेत्रको इटनमा भएको आगलागीका कारण भएको बीबीसीको समाचारमा उल्लेख छ । लस एन्जलस काउन्टी फायर चीफ एन्थोनी मार्रोनका अनुसार इटनको आगो अहिले १० हजार ६०० एकड जमिनमा फैलिसकेको छ ।
धेरैतिर फैलिएकाले नियन्त्रणमा आउन सकेको छैन । उनले भने, ‘दुर्भाग्यवश पाँच नागरिकको मृत्यु भएको छ र केही घाइते भएका छन् । हालसम्म एक हजारभन्दा बढी घर तथा भवनहरू क्षतिग्रस्त वा पूर्णरुपमा ध्वस्त भएका छन् ।’
लस एन्जलसको जङ्गलमा लागेको आगो लगातार फैलिरहेको छ । आगो अझै फैलिन सक्ने खतरालाई मध्यनजर गर्दै यहाँ आपत्काल घोषणा गरिएको छ । र, सर्वसाधारणलाई सुरक्षित स्थानमा जान आग्रह गरिएको छ ।
बिहीबार बिहान हवाइजहाजको सहयोगमा पानी छर्केर आगो नियन्त्रणको प्रयास भइरहेको छ ।लस एन्जलसलाई हलिउडका सेलिब्रेटीहरूको घर मानिन्छ। यस्तो अवस्थामा हलिउडका लागि पनि ठुलो क्षति मानिएको छ।
हजारौँ मानिसहरू आफ्नो घर र पसलहरूबाट भागेका छन्। गभर्नर गेभिन न्यूसमले आपतकालको घोषणा गरेका छन्। लस एन्जलसमा तीव्र हावाले आगलागी बढाएको छ। मङ्गलबारदेखि सुरु भएको आगलागी ११२ किलोमिटर प्रतिघण्टाको गतिमा चलेको बतासले अनियन्त्रि बनाएको थियो। यसले अग्नि नियन्त्रकहरूलाई आगो नियन्त्रण गर्न गाह्रो बनाएको छ ।
हावाले गर्दा आगो निभाउन गाह्रो भयो। यस्तो अवस्थामा मङ्गलबार यसलाई रोकिएको थियो भने बुधवार बिहान विमानले फेरि आगो निभाउने काम सुरु गरेको थियो । जहाजबाट पानी र आगो निभाउने रसायनहरू खसालिँदैछन्।
एक्युवेदरले आगलागीबाट ५२ अर्ब डलरदेखि ५७ अर्ब डलरको क्षति भएको अनुमान गरेको छ। अधिकांश क्षति प्यासिफिक पालिसेड्समा भएको थियो। यसलाई लस एन्जलसको इतिहासमा सबैभन्दा विनाशकारी आगलागी भनिन्छ।
यो नोभेम्बर २००८ को सायर फायरलाई पार गर्दछ, जसले स्लेमरमा ६०४ भवनहरू नष्ट गरÞेको थियो । त्यसबेला आगलागीमा सयभन्दा बढी भवनहरू ध्वस्त भएका थिए । आगो साइन जस्ता प्रसिद्ध स्थलहरू नजिक पुगेको छ।
हलिउडका लागि यो ठुलो क्षति हो। क्यालिफोर्नियाका गभर्नर गेभिन वासामले १,४०० भन्दा बढी अग्नि नियन्त्रकहरू आगलागीसँग जुधिरहेका बताएका छन्। प्रभावित क्षेत्रमा बसोबास गर्ने मानिसका लागि राहत शिविर स्थापना गरिएको छ र पीडितलाई सबै सम्भव सहयोग गरिने उनले बताएका छन् ।
लस एन्जलस फायर विभागले सबै बिदाहरू रद्द गरेको छ र कर्मचारीहरूलाई ड्युटीमा फिर्ता बोलाएको छ। यसले मानिसमा डर पैदा गरेको छ। केही मानिसहरूले लस एन्जलसका धेरै भागहरूबाट आगो नै आगो देखिएको बताएका छन्।
आगलागीको भिडियो सामाजिक सञ्जालमा भाइरल भइरहेको छ। आगोले कसरी सम्पूर्ण क्षेत्रलाई ओगटेको छ भन्ने भिडियोले देखाउँछ। आगलागीको कारणबारे अनुसन्धान अझै जारी छ।
