आगरा,असोज १२
भारतको आगरामा शुक्रबार सम्पन्न एसियन यू–१८ च्याम्पियनसीप फुटबल प्रतियोगितामा नेपाल छैठौं बनेको छ । प्रतियोगिताको ४६ औं संस्करण सकिंदा पहिलो पटक सहभागिता जनाएको नेपाल पाँचौं बन्न सकेन ।
तीनवटा खेलमा जित र तीनवटामा हार बेहोरेको नेपाल छैठौंमै चित्त बुझाउन बाध्य भयो । प्रतियोगिता भर ६ वटा खेल खेलेको नेपालले चीन, अफगानिस्तान र श्रीलंकामाथि मात्रै जित निकाल्न सक्यो । थाइल्याण्ड, इन्डोनेसिया र आयोजक राष्ट्र भारतसंग पराजय बेहोर्नु प¥यो ।
शुक्रबार भएको खेलमाभारतसंग ४–३ गोल अन्तरले निराश हुनु पर्दा नेपालले पाँचौं स्थान गुमाएको हो । ६०–४० को खेलमापनि फिनिसिङ फितलो हुँदा नेपाल नतिजाबाट विमुख बनेको हो । निर्धारित समय गोल रहित बराबरीमा सकिएपछि २० मिनेट समय थप गरिए पनि थप गरिएको समयमा समेत नतिजा निस्कन नसक्दा खेल टाईब्रेकरमा धकेलिएको थियो ।
र्टाइब्रेकरमा पनि ३–३ गोलको बराबरी भएपछि खेलको निर्णय लिन सडन डेथ सम्म पुग्नु प¥यो । सडन डेथमा नेपाल चुम्दा घरेलु मैदानमा भारतको भाग्य चम्कियो । टाईब्रेकरमा नेपालका तर्फबाट रन्दिप पौडेल, अनिज महर्जन र नविन गुरुङको प्रहारले मात्रै जाली चुमेको थियो । कप्तान दिनेश हेन्जन र शेषेहाङ आङ्दम्बेको प्रहारलाई भारतीय गोलरक्षक मोल्लह अलईफ रहमानले रोकिदिएका थिए ।
