११ फागुन, विराटनगर ।
नेपालका युवा वैज्ञानिक भुवन गुरुङ अमेरिकाको Northern California मा रहेको Nilkrishna Jashoda Sitaula Foundation INC द्धारा सम्मानित भएका छन् । धनकुटा छथर जोरपाटी गाउँपालिकाका युवा वैज्ञानिक गुरुङलाई अमेरिकामा रहेको नीलकृष्ण जशोदा सिटौला फाउन्डेशन इन्कले सम्मान गरेको हो ।
उनले नीलकृष्ण जशोदा विज्ञान–प्रविधि शीर्ष सम्मान तथा पुरस्कार २०८१ प्राप्त गरेका हुन् । गुरुङ नेपालमा प्रत्यक्षरुपमा प्राकृतिक चिकित्सा प्रणालीमा प्रयोग हुँदै आएका र उपयोगी एवं यसमा आधारित प्राकृतिक चिकित्सालाई विश्वव्यापीरुपमा सर्वमान्य बनाउन जडीबुटीमा पाइने जैविक रसायनको वैज्ञानिक अनुशन्धानमा सक्रिय रहेको भन्दै पुरस्कृत गरेको हो ।
बनस्पति विज्ञान, औषधी उत्पादनका लागि आवस्यक कच्चा पदार्थमा नेपालको प्रचुर सम्भावनालाई विश्वव्यापी बनाउनका लागि गुरुङले जडीबुटीमाथिको अन्धविश्वासको खाडललाई चिर्दै जुन प्रयास गरिरहेका छन्, यो आफैंमा स्तुत्य रहेको सो संस्थाले बताएको छ ।
गुरुङको अनुशन्धानले देशमा औषधि आयातमात्र नभई कच्चा पदार्थ निर्यात गर्न सक्छौं भन्ने चिन्तनको विकास गराएको पनि फाउन्डेशनले जनाएको छ । जसले नेपाल जस्तो विकाशोन्मुख मुलुकमा आार्थिक समृद्धिको खाका कोर्न महत्वपूर्ण भूमिका निर्वाह हुने अपेक्षा गरिएको छ ।
नीलकृष्ण जसोदा सिटौला फाउन्डेशनले आफ्नो स्थापनाको आठौं वर्षमा प्रवेश गरेको अवसरमा गुरुङसहित विभिन्न क्षेत्रका ९ जनालाई सम्मानित गरेको छ ।
जसमा भोजपुरका बालरोग विशेषज्ञ प्रा. डा. गणेश कुमार राई, काठमाडौंका नशा तथा मानसिक रोग विशेषज्ञ डा.प्रदीप पाण्डे, भक्तपुरका इतिहास तथा संस्कृतिविद् डा. पुरुषोत्तम लोचन श्रेष्ठ, कञ्चरपुरका बृद्धाश्रम संचालक श्री शारदा चन्द्र, जनकपुरधाम, धनुषाका खोज पत्रकार विजेता चौधरी, बाग्लुङका संगीतकार आशिष अविरल, काठमाडौंका जे.बी, टुहुरे, फाउन्डेशनका निर्भीका टुहुरे, काठमाडौंकै साहित्यकार लेखक जयदेव भट्टराईलाई सम्मानित गरिएको संस्थाका संस्थापक संरक्षक ईश्वर कान्त सिटौलाले जनाएका छन् ।
