विराटनगर : बुढीगंगा गाउँपालिका –४ मा एक युवती जबरजस्ती करणी गरेको आरोपमा दुई जनालाई पक्राउ गरी गाउँलेले नै प्रहरीको जिम्मा लगाएका छन् ।
विराटनगरकी १४ बर्षीया किशोरीलाई विश्वकर्मा पुजामा आयोजित नृत्य कार्यक्रम हेरेपछि घर पुर्याईदिने बहानामा तीन जना ब्यक्तिले जबरजस्ती करणी गरेका थिए ।
सँगै नाच हेर्न गएका साथीले नै जबरजस्ती करणी गरेको देखेपछि गाउँलले नै प्रहरीको जिम्मा लगाएका हुन् ।असोज १ गते युवतीमाथि बलात्कार गरेको आरोपमा स्थानियबासीले ग्रामथान गाउँपालिका– १ का २१ बर्षीय साकित मियाँ र २२ बर्षीय हरिनारायण सरदारलाई पक्राउ गरि प्रहरीको जिम्मा लगाएका हुन् ।
ग्रामथान–३ का जितेन्द्र खाँ भन्ने ब्यक्ति फरार छन् । जितेन्द्र नै मुख्य योजनाकार रहेको बताईएको छ ।जितेन्द्रसँग चिनजान भएकी युवतीलाई राती घर पुर्याईदिने बहानामा बलात्कृत भएकी हुन् ।
तर युवतीले आफुमाथि बलात्कार नभई सहमतीमै सम्बन्ध रहेको प्रहरीमा बताएकी छिन् । गाउँलेले पक्राउ गरी प्रहरीलाई बुझाउँदा उनले आफुमाथि जबरजस्ती करणी भएको बताएकी थिईन् तर भोलीपल्ट भने सहमतीमै सम्बन्ध रहेको भनी जाहेरी दिन मानेकी थिईनन् ।
तर युवती बालिक भएका कारण मुद्दा प्रक्रिया अगाडि बढाईएको प्रहरीले जनाएको छ । यो समाचार आजको उद्घोष दैनिकमा छापिएको छ ।
