विराटनगर : चाडपर्वलाई लक्षित गरी प्रदेश प्रहरीले ५० दिने सुरक्षा योजना लागु गरेको छ । प्रदेश १ प्रहरी कार्यालयले प्रदेश राजधानी विराटनगरसहित १४ जिल्लाका लागि दशैँ तिहार तथा छठपर्व लक्षित सुरक्षा योजना लागु गरेको हो ।
असोज १० गतेबाट लागु चाडपर्व सुरक्षा योजना कात्तिक ३० गतेसम्म लागु हुनेछ । १ नम्बर प्रदेश प्रहरी प्रवत्ता प्रहरी उपरीक्षक आभुषण तिम्सिनाले चाडपर्वमा हुनसक्ने सम्भावित अपराधिक तथा उछृङ्खल घटना नियन्त्रणका लागि चाडपर्व अगाडि नै सुरक्षा योजना ल्याएको बताए ।
चाडपर्वमा हुनसक्ने सम्भावित घटना नियन्त्रणका लागि बैंक तथा वित्तीय संस्था, मेला, हाटबजार, धार्मिक मठमन्दिर, ब्यापारिक केन्द्र , सरकारी कार्यालय तथा महत्वपुर्ण प्रतिष्ठानहरुमा सादा पोशाकमा प्रहरीमार्फत निगरानी बढाईएको तिम्सिनाले जानकारी दिए ।
साथै सिमा क्षेत्रमा हुने तस्करी नियन्त्रणमा चेकजाँच कडा पार्नुका साथै चन्दा संकलन, चिठ्ठा उपहार जस्ता कार्यक्रम गर्न राक लगाईएको छ । यो समाचार आजको उद्घोष दैनिकमा छापिएको छ ।
