Nepal Times
Nepal Times
3
Shares

प्रदेश नम्बर १ मतगणना अपडेट : सातै जिल्लामा वाम गठबन्धनको वर्चस्व

प्रदेश नम्बर १ मतगणना अपडेट : सातै जिल्लामा वाम गठबन्धनको वर्चस्व

काठमाडौं– पहिलो चरणमा निर्वाचन भएका प्रदेश नं १ का सवै पहाडी ७ जिल्लामा भएको मतगणनामा बाम गठबन्धनका उम्मेदवारले अग्रता लिएका छन् ।

यो प्रदेशमा रहेका सोलुखुम्बु, संखुवासभा, भोजपुर, ओखलढुङगा ताप्लेजुङ, पाँचथर  र खोटाङका प्रतिनिधिसभा सदस्य पदका बाम गठबन्धनका उम्मेदवारले अग्रता कायम गरेका हुन् । सोलुखुम्बुमा बाम गठबन्धनका तर्फबाछ माओवादी केन्द्रका हेमकुमार राईले ७७३८ मत ल्याउँदा कांग्रेसका बलबहादुर केसीले ५३८८ मत ल्याएका छन् ।

संखुवासभामा गठबन्धनका राजेन्द्र गौतमले १९ ६३ मत ल्याउँदा कांग्रेसका दीपक खड्काले १९०३ मत पाएका छन् ।

भोजपुरमा बाम गठबन्धनका सुदन किरातीले ७३९२ मत ल्याउदा कांग्रेसका उमेशजंग रायमाझिले ४६३० मत ल्याएका छन् । त्यस्तै ओखलढुङगामा एमालेका यज्ञराज सुनुवारले १४३६६ ल्याउदा कांग्रेसका रामहरी खतिवडाले १३२५५ मत ल्याएका छन् ।

त्यस्तै ताप्लेजुङमा एमालेका योगेश कुमार भटराइले ११३५८ मत ल्याउदा केशवप्रसाद दाहालले ७३४३ मत ल्याएका छन्  भने पाँचथरमा बाम गठवन्धनका एमालेका बशन्तकुमार नेम्वाङले अग्रता कायम गरेका छन् ।

उनले ९ हजार ६८२ मत ल्याउँदा लोकतान्त्रिक गठवन्धनका कांग्रेसका उम्मेदवार भीष्मराज आङलेम्वेले ७ हजार २५१ मत ल्याएका छन् ।  त्यस्तै खोटाङमा एमालेका बिशाल भटराईले ९१५२ मत ल्याउदा कांग्रेसकी सरस्वती बजीमयले ५ हजार ९०८ मत ल्याएकी छन् ।
यो प्रदेका सात जिल्लामध्ये ४ मा एमाले र तिनमा माओवादी केन्द्रका उम्मेदवार अगाडि छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.