४ पुस , काठमाण्डौ ।
यूक्रेनले ड्रोनको प्रयोग गरेर बेलगोरोदमा रहेको रूसी एस ४०० एयर डिफेंस सिस्टमका दुई लन्चर नष्ट गरेको दाबी गरेको छ । यूक्रेनको सशस्त्र बलका जनरल स्टाफले यसबारे जानकारी दिदै घटनाको एक भिडियो पनि सार्वजनिक गरेका छन् ।
जसमा रूसी एयर डिफेंस सिस्टममा हमला भएको देखिन्छ । यो घटना १४ डिसेम्बरमा भएको हो, जतिबेला रूसी सशस्त्र बलको ५६८औं एंटी–एयरक्राफ्ट मिसाइल रेजिमेंटको अपरेशनल एरियामा हमला भएको थियो ।
यूक्रेनी सेनाका अनुसार, यो कारबाही उसको रणनीतिको हिस्सा हो, जसको उद्येश्य रूसी एयर डिफेंस क्षमताहरुलाई कमजोर पार्नु हो । यूक्रेनका जनरल स्टाफले आफ्नो बयानमा भनेका छन्, कि यो अपरेशनलाई १५ औं फरक आर्टिलरी टोही ब्रिगेड ’ब्लाक फरेस्ट’ को स्ट्राइक ड्रोन अपरेटरहरुले सफल बनाएका हुन् ।
हमलामा एस–४०० सिस्टमका दुई लन्चर र त्यहाँ रहेका गोला–बारूद पनि नष्ट भएको हो । जारी गरिएको भिडियामा रूसी एंटी–एयरक्राफ्ट यूनिट्स कच्ची सडकमा अगाडि बढिरहको देखिन्छ, सम्भवतः त्यसले आफ्नो युद्धक स्थितिलाई पनि लगातार बदलिरहेको थियो र सोही क्रममा त्यसमाथि ड्रोनबाट हमला भयो ।
अचानक गरिएको यो हमलाले रूसी वायु रक्षा बललाई सम्हालिने अवसर समेत दिएन र केही क्षणमै भारी विस्फोट हुन पुग्यो । सोशल मिडिया प्लेटफर्म एक्समा ओपन सोर्स एजेंसी ओएसआईएनटीका एनालिस्टले भिडियोको विश्लेषण गरेका छन् ।
उनले भनेका छन् , कि एस–४०० लन्चरमा सीमाबाट करीब ५० किलोमीटर पर भेरखनी ओल्शानेट्स गाउँ नजिकबाट ड्रोनले हमला गरिएको थियो । यसअघि स्पाई टेलीग्राम च्यानलका एक प्रतिनिधिले भनेका थिए कि यूक्रेनी ड्रोनले बेलगोरोद क्षेत्रमा गइरहेको एस–४०० एंटी–एयरक्राफ्ट मिसाइल सिस्टमको एक समूहमा लगभग १६ः३० बजे हमला गरिएको थियो ।
पोस्टमा एक ५पी८५एसएम२–०१ लन्चर नष्ट भएको र अर्को एकमा पनि क्षति पुगेको दाबी गरिएको छ । ड्रोन हमलापछि भएको विस्फोटले ट्रांसपोर्ट र लन्च कंटेनरहरुमा राखिएको चार ४८एन ६ डीएम एंटी–एयरक्राफ्ट गाइडेड मिसाइलहरु नष्ट भएका थिए ।
एस ४०० ट्रायम्फ सिस्टम, रूसी सशस्त्र बलको वायु रक्षाको सबैभन्दा महत्वपूर्ण भाग हो । यो सोभियत कालको एस–३०० प्रणालीको एडभांस भेरिएंट हो, जसमा निकै प्रभावकारी रडार, लामो मारक क्षमता र मल्टी–टारगेट इंगेजमेंट जस्ता क्षमताहरु रहेका छन् ।
यस्तोमा यसका लन्चरहरु नष्ट हुनु रूसको बहुस्तरीय एयर डिफेंसका लागि निकै ठुलो झट्का मानिएको छ । डिफेंस एक्सपट्र्सको भनाइ छ कि यूक्रेनी सेनाका तर्फबाट रूसी एयर डिफेंस सिस्टम लगातार निशानामा पर्नु एक रणनीतिकै हिस्सा हो ।
ताकि भविष्यमा रूसमा मिसाइल र ड्रोन हमलाहरुका लागि बाटो सफा होस् । युक्रेनले यसरी ढाडमै प्रहार गरिरहँदा यता रुसका राष्ट्रपति भ्लादिमिर पुटिनले भने शान्ति वार्ता रुसका सर्तअनुसार अगाडि नबढेमा रुसले युक्रेनमा आफ्नो नियन्त्रण भएको क्षेत्रलाई थप विस्तार गर्ने चेतावनी दिएका छन् ।
पुटिनले यो चेतावनी वरिष्ठ सैन्य कमान्डरहरूको वार्षिक बैठकमा दिएका हुन् । उनले कूटनीति असफल भएमा रुसले सैन्य शक्तिको बलमा आफ्ना लक्ष्य हासिल गर्ने संकेत गरेका छन् । पुटिनले रुसले संघर्षलाई वार्ताबाट समाधान गर्न चाहेको र युद्धका मूल कारणहरूको अन्त्य गर्न तत्पर रहेको बताएका छन् ।
तर, उनले विपक्षी र उसका विदेशी समर्थकहरूले गम्भीर संवाद इन्कार गरे रुसले सैन्य कारबाहीको बाटो अपनाउने पनि स्पष्ट पारे । पुटिनको यो भनाई त्यस्तो समयमा आएको छ, जब युक्रेनले युद्ध अन्त्य गर्न अन्तर्राष्ट्रियस्तरमा प्रयासहरू तीव पारिरहेको छ ।
अमेरिकी राष्ट्रपति ट्रम्पले हालै उच्चस्तरीय बैठकहरूपछि सम्झौता पहिलेभन्दा नजिक रहेको बताएका थिए । अमेरिका, युक्रेन र युरोपेली देशहरूबीच सुरक्षा ग्यारेन्टी र सीमाहरूसम्बन्धी वार्ता चलिरहेको छ ।
यद्यपि, नेटो सदस्यताजस्ता मुद्दामा अझै सहमति बन्न सकेको छैन । पुटिनले रुसी सेनाले सम्पूर्ण फ्रन्टलाइनमा रणनीतिक अग्रता बनाएको दाबी गरेका छन् । उनले रुस–युक्रेन सीमाको नजिक सुरक्षा बफर जोनलाई थप विस्तार गर्ने पनि बताए ।
