विराटनगर,असोज २२
कक्षा–११ को विज्ञान संकायतर्फ विराटनगरको कोबास कलेजले प्रदेश १ मा प्रथम गरेको दाबी गरेको छ ।
राष्ट्रिय परीक्षा बोर्डले शनिबार प्रकाशित गरेको कक्षा–११ को नतिजामा विज्ञान संकायकी निशा राजवंशीले ३ दशमलव ८५ जिपिए ल्याउँदै प्रदेश १ को प्रथम बन्न सफल भएको कलेजको दाबी छ ।
कलेजका प्रिन्सिपल सुनिल कुमार श्रेष्ठका अनुसार विज्ञान संकायबाट २ सय ५१ जना विद्यार्थीले परीक्षा दिएकोमा ९५ पतिशत विद्यार्थी उत्तिर्ण भएका छन् । जसमध्ये ए प्लस ग्रेड समूहमा १२ जना, ए मा ८५ जना, वि प्लसमा ९६ जना, वि मा ३० जना, सी प्लसमा १५ र सी मा १४ जना उर्तीण भएको उनले बताए ।
त्यस्तै, ब्यबस्थापन संकायतर्फ २ सय ९९ जना विद्यार्थीमध्ये ९६ पतिशत विद्यार्थी उत्तिर्ण भएको कलेजले जनाएको छ । जसमध्ये ए प्लस ग्रेड समूहमा १० जना, ए मा ८५ जना, वि प्लसमा ९७ जना, वि मा ३१ जना, सी प्लसमा २५ र सी मा ३९ जना विद्यार्थी उर्तीण भएका छन् ।
सो विद्यालयबाट उतीर्ण भएका विद्यार्थी मध्ये अस्मिता भट्टराईले धरानमा रहेको हात्तीसार इजिनियरीङ कलेज वि टेक फुट टेक्नोलाजीमा र जयन्त दासले पूर्वाञ्चल इन्जिनियरिङ कलेजमा एग्रीकल्चर इजिनियरीङ मा छात्रवृत्ती पाउन सफल भएको कलेजले जनाएको छ ।
