एजेन्सी,असोज २४
‘रेस ३’ फ्लप भएपछि बलिउड सुपरस्टार सलमान खानले निर्देशक रेमो डिसूजाको नयाँ फिल्ममा काम गर्न अस्वीकार गरेका छन् । ‘रेस ३’ को आलोचनाका कारण नयाँ फिल्मको काम रोकिएको छ’, रेमो स्वयमले भने ।
सलमानले यसरी फिल्म रिजेक्ट गरेको यो दोस्रो पटक हो । यसअघि सलमानले ‘बजरंगी भाईजान’ निर्देशक कबीर खानसँग पनि यस्तो गरेका थिए ।
रेमोले सलमानलाई लिएर बनाउन लागेको नयाँ फिल्म छोरा र पिताको इमोसनल सम्बन्धमाथि थियो । यो स्क्रिप्ट उनले ‘रेस ३’ भन्दा अगाडि नै सलमानलाई सुनाएका थिए ।
सलमानलाई कहानी औधि मनपरेको थियो र रेमोसँग काम गर्ने मौखिम सहमती पनि भएको थियो । अब ‘रेस ३’ को उदेकलाग्दो नतिजाले फिल्मको काम रोकिएको छ । अहिले सलमान फिल्म ‘भारत’ गर्दैछन् । यसपछि ‘दंबग ३’ को छायांकनमा व्यस्त हुनेछन् ।
रेमो निर्देशित फिल्म ‘रेस ३’ को ट्रेलर आएपछि दर्शकले यसलाई बकवास भन्न थालेका थिए । फेरि रिलिजपछि फिल्म दुनियाँको सबैभन्दा सय खराब फिल्मको लिस्टमा सुचिकृत भयो ।
