विराटनगर,असोज २६
प्रदेश १ स्तरीय दोस्रो भेट्रान फुटबल प्रतियोगितामा बिहीबार झापाका दुई टिमबीच भएको प्रतिष्पर्धामा विर्तामोड भेट्रान विजयी हुँदै फाइनलमा प्रवेश गरेको छ ।
सिएमजी स्वस्थ्य क्लबले विराटनगरमा आयोजना गरेको नेपालकै सर्वाधिक राशिको भेट्रान फुटबल प्रतियागितामा विर्तामोडले छिमेकी काँकडभिट्टा भेट्रान क्लबलाई २–० गोलमा पराजित गर्दै उपाधि नजिक पुगेको हो ।
४८ औं मिनेटमा विर्तामोड सुभाष आङथुपाले गोल गर्दै टिमलाई अग्रता दिलाए । यस्तै ६७ औं मिनेटमा विर्तामोडका नरेन्द्रमणि लिम्बूले गोल गरे । खेलको म्यान अफ द म्याच विर्तामोडका नरेन्द्रमणि लिम्बू घोषित भए ।
प्रतियोगिताको फाइनल खेल असोज २७ गते शनिबार विर्तामोड र धरान भेट्रान क्लबबीच हुनेछ । प्रतियोगिताको विजेताले नगद १ लाख ५१ हजार रुपैयाँ र उपविजेताले नगद ७५ हजार रुपैयाँका साथै ट्रफी जित्ने छन् ।
