विराटनगर, असोज २६
विराटनगर महानगरपालिकाका मेयर भिम पराजुलीले विपन्नवर्गको जीवनस्तर उकास्न साझेदारीमा सहकार्य गरिने बताएका छन् ।
विराटनगर–९ स्थित नेपाल ग्रामिण विकास समाज केन्द्रको रजत महोत्सवको अवसरमा आयोजित कार्यक्रममा बोल्दै उनले अतिविपन्नतामा जीवनयापन गरिरहेका नगरबासीकालागि बिशेष योजना ल्याउन लागेको बताए ।
उनले आर्थिक सम्मुन्नति नभएसम्म लोकतन्त्र फस्टाउन नसक्ने बताउदै अति विपन्न समुदायको जीवनस्तर उकास्न महानगरपालिका सरोकारवालासंग सहकार्य गर्न तयार रहेको पनि बताए ।
मेयर पराजुलीले आर्थिक सम्मुन्नति हासिलगर्न वित्तिय क्षेत्रमा काम गरिरहेका संघसंस्थाको भूमिका महत्वपुर्ण हुने समेत उल्लेख गरे ।
संस्थाले शनिवार विविध कार्यक्रमहरुको आयोजनागर्दै आफ्नो २५ औं बार्षिकोत्सव मनाउदै छ । कार्यक्रममा ३० जनाले रक्तदान गरेका थिए ।
