९ भदौ , काठमाण्डौ ।
हाल देशभर पूर्ण रूपमा मनसुनी वायुको प्रभाव सक्रिय रहेको मौसम पूर्वानुमान महाशाखाले जनाएको छ। यसका साथै मनसुनको न्यून चापीय रेखा आफ्नो सरदर स्थानको आसपास अवस्थित रहेको हुनाले वायुमण्डलमा यसको प्रत्यक्ष तथा व्यापक प्रभाव परिरहेको छ ।
यसै मनसुनी प्रणालीको प्रभावका कारण हाल देशका अधिकांश भूभागमा साधारणतया बदली भई आकाशमा बादल मडारिएको छ भने विभिन्न क्षेत्रमा वर्षा भइरहेको छ। प्राप्त ताजा विवरण अनुसार बागमती प्रदेश, गण्डकी प्रदेश, लुम्बिनी प्रदेश र कर्णाली प्रदेशका केही तथा थोरै स्थानहरूमा अहिले हल्कादेखि मध्यम किसिमको वर्षा भइरहेको छ जसले गर्दा जनजीवन केही मात्रामा प्रभावित बन्न पुगेको छ।
आज दिउँसोको मौसमी अवस्थालाई विश्लेषण गर्दा, देशैभर साधारणतया बदली रहनेछ। देशका हिमाली भूभागका केही स्थानहरूमा चट्याङ्गसहित मध्यम वर्षाको सम्भावना रहेको छ भने पहाडी भूभागका पनि केही स्थानहरूमा मेघगर्जन र चट्याङ्गसहित मध्यम किसिमको वर्षा हुने अनुमान गरिएको छ।
यसैगरी तराई तथा मधेश क्षेत्रतर्फ हेर्दा, बागमती, गण्डकी, लुम्बिनी र सुदूरपश्चिम प्रदेशका तराई भूभागका केही स्थानहरूमा तथा मधेश प्रदेशलगायत कोशी प्रदेशका तराई भूभागका थोरै स्थानमा पनि चट्याङ्गसहित मध्यम वर्षाको सम्भावना उत्तिकै रहेको महाशाखाले प्रस्ट्याएको छ।
सबैभन्दा ध्यान दिनुपर्ने विषय भनेको विशेष गरी कोशी प्रदेश, बागमती प्रदेश, गण्डकी प्रदेश र लुम्बिनी प्रदेशका पहाडी भूभागका एक–दुई स्थानमा भारी वर्षाको सम्भावना रहेको छ। यसका साथै मधेश प्रदेश तथा कोशी प्रदेशको तराई क्षेत्रका केही स्थानहरूमा हावाहुरीको समेत सम्भावना रहेको हुनाले सर्वसाधारणलाई विशेष सतर्कता अपनाउन जोड दिइएको छ।
त्यसैगरी, आज रातिको समयमा पनि मौसममा कुनै ठूलो सुधार आउने देखिंदैन र देशभर साधारणतया बदली नै कायम रहनेछ। रातिको बेला कोशी प्रदेश, बागमती प्रदेश र गण्डकी प्रदेशको हिमाली भूभागका केही स्थानहरूमा तथा लुम्बिनी प्रदेश, कर्णाली प्रदेश र सुदूरपश्चिम प्रदेशका हिमाली भूभागका थोरै स्थानमा चट्याङ्गसहित मध्यम किसिमको वर्षाको सम्भावना रहेको छ।
कोशी, बागमती, गण्डकी र लुम्बिनी प्रदेशका पहाडी भूभागका केही स्थानहरूमा तथा कर्णाली र सुदूरपश्चिम प्रदेशका पहाडी भूभागका थोरै स्थानमा पनि चट्याङ्गसहित मध्यम वर्षा हुन सक्नेछ। यसबाहेक, मधेश, कोशी, बागमती, गण्डकी र लुम्बिनी प्रदेशका तराई भूभागका केही स्थानमा र सुदूरपश्चिम प्रदेशको तराई भूभागका थोरै स्थानमा चट्याङ्गसहित मध्यम वर्षाको सम्भावना कायमै रहनेछ।
सबैभन्दा महत्त्वपूर्ण कुरा, रातिको समयमा पनि कोशी, बागमती र गण्डकी प्रदेशको हिमाली र पहाडी भूभागका एक–दुई स्थानमा भारी वर्षाको पूर्ण सम्भावना रहेको महाशाखाले चेतावनी जारी गरेको छ।
देशभर मनसुनी वायुको प्रभाव अझै केही दिनसम्म सक्रिय रहने र केही विशेष स्थानहरूमा भारी वर्षाको समेत सम्भावना रहेको हुनाले यसबाट उत्पन्न हुन सक्ने बाढी, पहिरो, भूक्षय तथा गेग्रान बहावजस्ता प्राकृतिक प्रकोपको जोखिमबाट बच्न सबैले उच्च सतर्कता अपनाउनु अनिवार्य देखिन्छ।
यात्रा गर्दा वा नदी किनार तथा पहिरोको उच्च जोखिमयुक्त क्षेत्रमा बसोबास गर्नेहरूले विशेष सुरक्षाका उपायहरू अवलम्बन गर्न अनुरोध गरिएको छ। आजको मौसम अपडेट यति नै, अन्य देशविदेशका ताजा समाचारका लागि नेपाल टाइम्स अनलाइन टेलिभिजनका हाम्रा अन्य प्रसारणहरू हेर्दै गर्नुहोला, तपाईंहरूको दिन शुभ र सुरक्षित रहोस्, नमस्कार।
