२६ भदौ , काठमाण्डौ ।
भोटेकोसी नदीमा भदौ १० गते आएको विनाशकारी बाढीमा परी मृत्यु भएकामध्ये हालसम्म १ हजार ३८५ जनाको शव फेला ।
प्रहरी प्रधान कार्यालयका अनुसार अझै ४ हजार ८९ जना सम्पर्कविहीन ।
फेला परेका शवमध्ये ५४२ पुरुष, ३३४ महिला र ५०९ वटा आंशिक अङ्गसहितका शव रहेका छन्।
तीमध्ये १०३ शव आफन्तलाई बुझाइएको छ भने १ हजार १४८ शव सुरक्षित रूपमा जमिनमा गाडेर व्यवस्थापन गरिएको प्रहरीको भनाइ ।
सम्पर्कविहीनमध्ये २ हजार ९०७ पुरुष र ५७२ महिला नेपाली नागरिक छन्।
यस्तै, विदेशी नागरिकतर्फ २७२ पुरुष र ३२८ महिला अझै सम्पर्कविहीन ।
बाढीपछि हालसम्म ९ हजार २८७ जनाको उद्धार गरिएको र उद्धार गरिएकामध्ये ३ हजार १७६ जनालाई सुरक्षित रूपमा होल्डिङ सेन्टरमा राखिएको जानकारी ।
शवको पहिचान तथा बेपत्ताको सनाखतका लागि डीएनए परीक्षणलाई प्राथमिकता दिइएको र हालसम्म मृतक र आफन्त गरी २ हजार ९९८ जनाको डीएनए नमुना सङ्कलन गरिएको प्रहरीको भनाइ ।
