२६ भदौ , काठमाण्डौ ।
रुसका राष्ट्रपति भ्लादिमिर पुटिन १८औँ ब्रिक्स शिखर सम्मेलनमा सहभागी हुन भारतमा ।
शुक्रबार बिहान करिब ३ बजे नयाँ दिल्लीस्थित विमानस्थलमा अवतरण गरेका पुटिनलाई भारतका विदेश राज्यमन्त्री केभी सिंहले स्वागत गरे ।
रातो कार्पेटसहित स्वागत गरिएका पुटिनलाई विमानस्थलमा गार्ड अफ अनरसमेत दिइएको भारतीय सञ्चारमाध्यममा उल्लेख ।
पुटिन दिल्लीस्थित मौर्य सेराटन होटलमा बस्ने ।
फेब्रुअरी २०२२ मा युक्रेन युद्ध सुरु भएयता रुसबाहिर आयोजना भएको ब्रिक्स शिखर सम्मेलनमा पुटिनको यो पहिलो प्रत्यक्ष सहभागिता हो।
सम्मेलनअघि भारतीय प्रधानमन्त्री नरेन्द्र मोदी र पुटिनबीच भेटवार्ता हुने कार्यक्रम ।
भेटवार्तामा रक्षा सहकार्यलगायत विषयमा छलफल हुने अपेक्षा ।
विशेषगरी एसयू–५७ लडाकु विमान तथा अद्यावधिक ब्रह्मोस क्षेप्यास्त्रसँग सम्बन्धित सम्झौताबारे छलफल हुने अनुमान ।
रुसले भारतलाई एसयू–५७ बिक्रीसँगै भारतमै उत्पादन र आवश्यक प्रविधि हस्तान्तरणको प्रस्तावसमेत गरिसकेको छ।
यसैबीच, चीनका राष्ट्रपति सी चिनफिङ पनि ब्रिक्स सम्मेलनमा सहभागी हुन भारत आउने ।
१८औँ ब्रिक्स शिखर सम्मेलन सेप्टेम्बर १२ र १३ मा नयाँ दिल्लीमा आयोजना हुँदै ।
सम्मेलनमा विश्वका उदीयमान अर्थतन्त्रबीच आर्थिक, राजनीतिक तथा रणनीतिक सहकार्यका विषयमा छलफल हुने अपेक्षा
