विराटनगर,असोज २८
कक्षा ११ को परीक्षामा आशा गरेअनुशारको नतिजा नआएको भन्दै विद्यार्थीहरुले राष्ट्रिय परीक्षा बोर्ड शाखा कार्यालय विराटनगरमा ज्ञापन पत्र बुझाएका छन् ।
विराटनगर लगायत क्षेत्रका शिक्षण सस्थामा कक्षा १२ मा अध्ययन गरिरहेका विद्यार्थीहरुले असोज २० गते प्रकाशित कक्षा ११ को परीक्षाफलमा आशा गरेभन्दा निकै कम र अपत्यारिलो अंक आएको भन्दै राष्ट्रिय परीक्षा बोर्ड शाखा कार्यालय विराटनगरलाई ज्ञापन पत्र बुझाएका हुन् ।
ज्ञापनपत्र बुझदै कार्यालयका शाखा अधिकृत दयाराम राईले शाखा कार्यालय विराटनगरमा केही अधिकार नरहेकाले केन्द्रलाई ज्ञापन पत्र पठाईदिने बताए ।
यता विज्ञान विषयमा “सि”प्लस आएको भन्दै सयौंको सख्यामा रहेका विद्यार्थीहरुले परीक्षाफल रद्द गरी उत्तरपुस्तिकाहरु पुनः परीक्षण गराईदिन आग्रह गरेका छन् ।
“सि”प्लसको नतिजा आफूहरुलाई चित्त नबुझेकाले सवै विद्यार्थीहरु पुनः परीक्षण गराउनका लागि संगठित भएको विद्यार्थीहरुले बताएका छन् । विद्यार्थीहरुको पुनःपरीक्षण गराउन तदर्थ समिति नै गठन गरेका छन् ।
समितिमा शिक्षादिप, एभरेष्ट, अरनिको, कोवास, कान्तिपुर क्याम्पस लगायतका शिक्षण संस्थाका विद्यार्थीहरु सहभागी छन ।
