५ कार्तिक , काठमाण्डौ ।
नेपाल र बंगलादेशले संयुक्त रूपमा आयोजना गर्न लागेको आईसीसी यू–१९ महिला टी–२० विश्वकप क्रिकेटका १५ खेल नेपाली मैदानमा सञ्चालन हुने ।
अन्तर्राष्ट्रिय क्रिकेट परिषद् (आईसीसी)ले सार्वजनिक गरेको खेल तालिकाअनुसार प्रतियोगिताका कुल ४१ खेलमध्ये १५ खेल नेपालमा आयोजना हुने ।
नेपाल क्रिकेट संघ (क्यान)का अनुसार नेपाली भूमिमा हुने खेलहरू त्रिभुवन विश्वविद्यालय क्रिकेट मैदान र मूलपानी क्रिकेट मैदानमा सञ्चालन हुने ।
आगामी जनवरी २१ देखि फेब्रुअरी ६ सम्म सञ्चालन हुने प्रतियोगितामा नेपाल सहआयोजकका रूपमा सहभागी हुने ।
नेपालले पहिलोपटक यू–१९ महिला विश्वकप आयोजना गर्ने अवसर पाएको हो।
प्रतियोगिताको समूह चरणमा नेपालले भारत, आयरल्याण्ड र वेस्ट इन्डिजसँग प्रतिस्पर्धा गर्ने ।
घरेलु मैदानमै विश्वकपका खेल खेल्न पाउने भएकाले नेपाली युवा महिला क्रिकेट टोलीका लागि प्रतियोगिता विशेष अवसरका रूपमा हेरिदै ।
विश्वकपका खेल नेपालमा आयोजना हुनुले नेपाली क्रिकेटको अन्तर्राष्ट्रिय पहिचान विस्तार गर्न तथा पूर्वाधारको उपयोग र विकासमा समेत योगदान पुग्ने अपेक्षा ।
नेपालले पहिलोपटक आयोजना गर्न लागेको यू–१९ महिला टी–२० विश्वकपले नेपाली महिला क्रिकेटको विकास र आगामी पुस्ताका खेलाडीलाई अन्तर्राष्ट्रिय मञ्चमा स्थापित गराउन महत्वपूर्ण भूमिका खेल्ने विश्वास ।
