१३ कार्तिक , काठमाण्डौ ।
भारतको उत्तराखण्डस्थित प्रसिद्ध धार्मिक स्थल बद्रीनाथबाट देहरादुनतर्फ जाँदै गरेको ६ जना तीर्थयात्री सवार एउटा हेलिकप्टर शुक्रबार जोशीमठनजिक दुर्घटनाग्रस्त ।
प्रतिकूल मौसमका कारण हेलिकप्टर दुर्घटनामा परेको उत्तराखण्डका मुख्यमन्त्री पुष्कर सिंह धामीले दिए जानकारी ।
घटनालगत्तै जिल्ला प्रशासन, विपद् व्यवस्थापन विभाग र राज्य विपद् प्रतिक्रिया बलको संयुक्त टोलीले घटनास्थलमा तीव्र गतिमा उद्धार कार्य सुरु गरिसकेको उल्लेख ।
गम्भीर घाइतेहरूलाई राम्रो उपचारका लागि तत्काल एयरलिफ्ट गरी सुविधासम्पन्न अस्पताल लैजान निर्देशन ।
दुर्घटनामा भएको क्षतिको विस्तृत विवरण आउन बाँकी ।
प्रारम्भिक जानकारी अनुसार, हेलिकप्टर बद्रीनाथबाट देहरादुनको सहस्रधाराका लागि उडेको थियो ।
उक्त हेलिकप्टरमा चालक दलका सदस्यबाहेक ६ जना यात्रु सवार रहेको उल्लेख ।
खराब मौसमका बाबजुद पनि हेलिकप्टरको लोकेसन पत्ता लगाउन ड्रोनको सहायताले खोजी कार्य तीव्र पारिएको प्रशासनको भनाइ ।
