एजेन्सी, कात्तिक ६
नेपाली चलचित्र ‘कृ’ मा अभिनय गरेपछि बेराजगार जस्तै बनेकी हिरोइन अदिति बुढाथोकीले अभिनय गरेको म्युजिक भिडियो सार्वजनिक भएको छ ।
‘कृ’ लगत्तै भारत हानिएकी उनलाई भारतका चर्चित गायक मिलिन्द गावासँग भिडियोमा अभिनय गर्दै गरेको देख्न सकिन्छ।इस्टाग्राममा राम्रो फलोअर भएकी अदिति ‘कृ’ मार्फत अनमोलको अपोजिटमा आउँदा उनको चर्चा चुलीमा थियो।
त्यसयता उनको त्यो चुली घटेको भनिरहँदा भारतका चर्चित गायकको म्युजिक भिडियो बाहिरिएको हो ।यसबाट अदितिले अभिनयको योजना बिट मारेकी छैनन्।
बरु सानो पोखरीबाट ठूलो पोखरीमा हाम्फाल्ने निर्णय गरेकी छिन् भन्ने पुष्टि भएको छ । जुन पोखरीमा मनीषा कोइरालाबाहेक त्यहाँको पोखरीमा कसैले पौडन सकेनन्।
