एजेन्सी,कात्तिक ७
एकदिवसिय क्रिकेटमा सचिन तेन्दुलकरले बनाएको कीर्तीमानलाई तोड्न विराट काहली नजिक पुगेका छन् ।अष्ट्रेलियाविरुद्ध सन् २००१ मा शेन वार्नको बलिङ्गमा लङ्अफमा ड्राइभ प्रहार गर्दै सचिन तेन्दुलकरले क्रिकेट इतिहासमा नँया किर्तिमान लेखाएका थिए ।
एकदिवसिय क्रिकेटमा १० हजार रन प्रहार गर्ने पहिलो खेलाडीको रुपमा सचिनले आफुलाई स्थापित गरे ।त्यसको १७ वर्षपछि सम्म अन्य ११ ब्याट्सम्यानहरुले १० हजार रन बनाएका छन् । तर सबै भन्दा छोटो समयमा यस उपलब्धि हासिल गर्ने कीर्तिमान १७ वर्षसम्म पनि सचिनकै नाममा छ। तर विशाखापटनममा वेस्ट इण्डिजविरुद्ध उत्रदै गरेका भारतीय कप्तान विराट कोहलीले यसै खेलमा कीर्तिमान भंग गर्न सक्छन।
अष्ट्रेलियाविरुद्ध मार्च २००१ मा करियरको २ सय ५९ औं इनिङ्ग्समा सचिनले १० हजार रन पुरा गर्दै एकदिवसिय क्रिकेट इतिहासकै पहिलो खेलाडी बनेका थिए । सचिनले त्यो किर्तिमान बनाएको ७ वर्ष पछि, २००८ मा भारतीय टोलीबाट डेब्यू गरेका कोहली सचिनको त्यस कीर्तिमान सुधार्न नजिक छन् ।
वेस्ट इन्डिजविरुद्ध पहिलो ओडिआईमा १ सय ४ बलमा १ सय ४० रन बनाएका कोहलीले आज दोस्रो खेलमा पनि त्यो लयलाई कायम राखे उनले सचिनको किर्तिमान भंग गर्नेछन् । कोहलीको आज २ सय १३ खेलमा २ सय ५ औं इनिङ्ग्स हुनेछ । उनले यति छोटो समयमै ९ हजार ९ सय १९ रन बनाएका छन् । मतलब कोहलीलाई कीर्तिमान बनाउन अब जम्मा ८१ रन आवश्यक छ । उनले आज नसकेपनि अन्य इनिङ्ग्समा सचिनको यो किर्तिमान तोड्ने निश्चित जस्तै छ ।
