विराटनगर ः गत कात्तिक २ गते दशैँको टिकाको दिन विराटनगर– ९ हनुमान मन्दिरमा लागेको मेला हेर्न गएका राहुल भगतको हत्यामा संलग्न भएको आरोपमा मोरङ प्रहरीले ६ जनालाई पक्राउ गरेको छ ।
मेलामा हिँड्दा ठोक्किएको निहुँमा विवाद हुँदा विराटनगर–१४ का १९ बर्षीय राहुल भगतको हत्यामा संलग्न भएको आरोपमा प्रहरीले १८ बर्ष मुनीका ५ युवकसहित ६ जनालाई पक्राउ गरेको हो ।
दशैँको टिकाको दिन बेलुका ८ जनाको समुहले हनुमान मन्दिर अगाडि लागेको मेला हेर्न गएको भगतमाथि छुरा प्रहार गरेका थिए । छुरा प्रहारबाट गम्भीर घाईते भएका भगतको कोशी अञ्चल अस्पतालमा मृत्यु भएको थियो ।
हत्यामा संलग्न भएको आरोपमा प्रहरीले १८ बर्षीय कुहिरा भन्ने विशाल सहनीसहित १८ वर्ष मुनीका ५ युवकलाई पक्राउ गरेको हो । घटनामा संलग्न अन्य २ जना फरार छन् ।
‘छुरा प्रहार गर्ने र मृतक चिनजान भएको देखिँदैन’मोरङका प्रहरी उपरीक्षक मनोजकुमार केसी भन्छन् ‘साथीलाई हातपात गरेको निहुँमा घेरा हालेर कुटपिटपछि छुरा प्रहार गरेको देखिन्छ’। , यो समाचार आजको उद्घोष दैनिकमा छापिएको छ ।
