काभ्रे, कात्तिक १०
काभ्रेको मन्डनदेउपुर नगरपालिकास्थित ढकालथोकमा जिप दुर्घटना हुँदा दुईजनाको घटनास्थलमै मृत्यु भएको छ भने अन्य चारजना घाइते भएका छन् । शनिबार दिउँसो बा३च २८७ नम्बरको जिप दुर्घटना भएको हो ।
दुर्घटनामा परी मृत्यु हुनेमा मन्डनदेउपुर–४ का जीवन पराजुली र नमोबुद्ध नगरपालिका–१० का विनोद कार्की रहेको जनाइएको छ । पराजुली सन्चारकर्मी हुन् भने कार्की प्रदेश नम्बर–३ का ट्रेड युनियन कांग्रेस अध्यक्ष हुन् ।
दुर्घटनामा घाइते भएका पूर्वएआइजी किरण गौतमसहित सबैलाई उपचारका लागि धुलिखेल अस्पताल लगिएको छ । जिपमा सवार यात्रीहरु देउपुरको ढुंगाखानी निरीक्षण गर्न गएको बताइएको छ ।दुर्घटनाको कारण खुलेको भने छैन ।
