विराटनगर : दशैँ, तिहार र छठ पर्वको रौनकताले प्राय ः सबैको घरमा छोएको छ । तर मोरङको कानेपोखरी गाउँपालिकाको एक गाउँ भने चाडबाडको बेलामा पनि शोकमा डुबेको छ ।
तीन साताको अन्तरमा एउटै गाउँमा सात जनाको निधन भएपछि गाउँपालिका वडा नम्बर ४ र ६ मा पर्ने प्रणामी डाँडामा बसोबास गर्ने स्थानीयबासी शोकमा रहेका हुन् ।, यो समाचार आजको उद्घोष दैनिकमा छापिएको छ ।
असोज तेस्रो सातादेखि निरन्तर मृत्यु भएको खबरले गाउँमा काल पल्किएको हो कि भन्दै उनीहरु त्रासमा छन् ।कानेपोखरी गाउँपालिका– ४ का स्थानीय शिक्षक भोला भट्टराईका अनुसार तीन साताको अन्तरमा प्रणामी डाँडामा निधन हुनेहरुमा सात बर्षिय बालिकादेखि ७१ बर्षीया बृद्धासम्म छन् ।
१८ गते कानेपोखरी– ४ की १८ बर्षीय मीनु धिमाल र १९ गते प्रणामी डाँडाका ६८ बर्षीय अम्बरबहादुर दर्जीको निधन भएको थियो ।दर्जीको निधन हुनुभन्दा अघि घिमेकी ७१ बर्षीय मनमाया विश्वकर्माको मृत्यु भएको थियो ।
दर्जी र विश्वकर्माको घर करिब ५० मिटरको अन्तरमा छ । असोज १९ गते नै प्रणामी डाँडा पश्चिम एक सात वर्षीय बालिकाको पनि निधन भएको स्थानीयबासीले बताए ।
गाउँमा भएको मृत्यु श्रृङ्खलाले एकखालको त्रास निम्त्याएको छ । गत २८ गते भलुवा खोलाको बाँधमा डाँडाकै ५५ वर्षीय सम्वीर गजमेरको शव पानीमा डुबेको अवस्थामा भेटिएको थियो ।
त्यस्तै कात्तिक ८ गते प्रणामी डाँडाकी बुद्धिमान राईकी श्रीमती ताराको मृत्यु भएको थियो ।
शनिबार बिषालु सर्पको टोकाईबाट छिमेकी खम्बीर राईकी ३६ बर्षी श्रीमती चित्रकुमारी राईको मृत्यु भयो ।
