सर्लाही,कात्तिक १३
अज्ञात समुहको गोली प्रहारबाट सर्लाहीमा एकजनाको मृत्यु भएको छ । रामनगर गाँउपालिका–४ बहुअर्वामा अज्ञात समुहले गोलीहानी स्थानीय ६५ वर्षीय राम विलास महतोको मृत्यु भएको हो ।
बिहान ८ः ४५ बजेको समयमा महतोमाथि घर नजिकै गोली प्रहार भएको स्थानीयको भनाई छ । घटना लगतै आक्रोशित स्थानीयले घटना स्थलबाट शव उठाउन अबरोध गरेको जिल्ला प्रहरी कार्यलय मलंगवाले जनाएको छ ।
प्रहरीले थप सहयोगमा शवको मुचुल्का उठाउने काम गरिरहेको जनाएको छ । महतोमाथि गोली प्रहार गर्ने समूहको खोजी भैरहेको तथा घटनाको विषयमा अनुसन्धान भैरहेको जिल्ला प्रहरी कार्यलय सर्लाहीका प्रहरी उपरिक्षक पोषराज पोखरेलले बताए ।
यस्तै सोही स्थानमा सोमवार मात्र रामनगर गाउँपालिका–४ का वडाध्यक्ष रामनरेश महतो माथि एक समूहले आक्रमण गरेका थियो । आक्रमणबाट वडाध्यक्ष महतोलाई टाउकोमा गहिरो चोट लागेको छ, भने उनको बायाँ खुट्टा भाँच्चिएको छ ।
