विराटनगर,कात्तिक १५
इलाका प्रहरी कार्यालय विराटनगर रानीका प्रहरी निरीक्षक सन्तोष निरौलाले स्थानीय खलिल मियाँका परिवारलाई दुव्र्यव्यबहार गरेको भन्दै पिडीतहरुले न्यायको माग गरेका छन् ।
विराटनगर १७ का स्थानीयवासी खलिल मियाँका परिवारले बिहीबार विराटनगरमा पत्रकार सम्मेलनको आयोजना गरी रानीका ईन्स्पेक्टर निरौलाले आफ्ना छोराका हत्यामा पहिचान भएका मुख्य अभियुक्तलाई समेत थुनुवा कोठाबाटै भगाएको उनीहरुले आरोप लगाएका छन्।
गत असोज १ गते विश्वकर्मा पुजाको दिन विराटनगर १७ का १७ बर्षिय असफाक आलमको उनकै छिमेकी मोहम्मद सद्धिम हुसेन र मोहम्मद आरिफ आलमले अपहरण पछि हत्या गरेको प्रहरी अनुशन्धानमा खुलेको थियो ।
२ साता पछि हत्यामा संग्लन दुई अभियुक्तलाई पक्राउ गरी सार्वजनिक गरेको थियो ।अभियुक्तहरुलाई पुन इलाका प्रहरी कार्यालय रानी थानाको हिरासतमा राखिएको थियो तर प्रहरी हिरासतबाटै प्रहरीले आफ्ना छोराको हत्यामा संग्लन दुई अभियुक्तलाई ईन्सपेक्टरको मिलेमतोमा भगाएको मृतकका बुबा खलिल मियाँले आरोप लगाएका छन् ।
अभियुक्तहरु गत कातिक ८ गते विहीबार मध्यराती थुनुवा कोठाको भेन्टिलेटरको रड काटेर भागेका थिए । यता इलाका प्रहरी कार्यलय रानीका प्रहरी निरीक्षक सन्तोष निरौलाले भने पिडीत पक्षले लगाएको आरोप गलत बताएका छन ।
उनले थुनुवा कक्षबाट कैदीहरु मिलेमतोमा भगाएको भए छानविन समिती बनिसकेकाले छानविन समितीले आफनो संग्नलता भएको प्रमाण फेला परे कारबाही भोग्न तयार रहेको बताएका छन् ।
