काठमाडौं,कात्तिक १७्
ललितपुरमा जारी साफ यू–१५ फुटबल प्रतियोगिता अन्तर्गत तेस्रो स्थानका लागि आज दिउँसो नेपाल र भारत प्रतिस्पर्धा गर्दैछन् । ललितपुरको सातदोबाटोस्थित अखिल नेपाल फुटबल सङ्घ (एन्फा) मैदानमा उक्त खेल आयोजना हुँदैछ ।
नेपाल सेमिफाइनलमा बिहीबार पाकिस्तानसँग ४–० गोलले पराजित भएको थियो भने भारत पनि बङ्गलादेशसँग पराजित भएको थियो ।
समूह चरणको पहिलो खेलमा माल्दिभ्सविरुद्धको जित नै नेपालको एक मात्रै जित रह्यो ।माल्दिभ्सविरुद्ध ४–० को सानदार जित निकालेको नेपालले दोस्रो खेलमा बङ्गलाादेशसँग २–१ गोल अन्तरले पराजित भयो ।
पहिलो खेलमै पाकिस्तानसँग २–१ गोल अन्तरले पराजित भएको भारत अन्तिम खेलमा भूटानमाथि जित निकाल्दै सेमिफाइनल पुगेको थियो ।
प्रतियोगिताको फाइनल खेल आजै अपराह्न पाकिस्तान र बङ्गलादेशबीच हुनेछ ।
