विरानगर, कात्तिक १७
प्रदेश न १ को भुमि व्यवस्था, कृषि तथा सहकारी मन्त्रालयले आफ्नो मातहतका निर्देशनालय र सेवा केन्द्र लगायत सम्पुर्ण कार्यालयहरुलाई बजेट तथा कार्यक्रमको अख्तियारी हस्तान्तरण गरेको छ ।
मन्त्रालयले आज विराटनगरमा अभिमुखिकरण कार्यक्रमको आयोजना गर्दै आर्थिक वर्षको पहिलो चौमासिक सकिन लाग्दा मन्त्रालयले आफु मातहतका सम्पुर्ण निकायहरुलाइ बजेट तथा कार्यक्रमहरु संचालन गर्ने अख्तियारी हस्तान्तरण गरेको हो ।
मन्त्रालयले बजेट तथा कार्यक्रमको अख्तियारी हस्तान्तरण गरेसँगै मातहतका निर्देशनालय,विभिन्न जिल्लामा ११ वटा ज्ञान केन्द्र, ३ वटा कृषि ज्ञान केन्द्र सम्पर्क केन्द्र, कृषि व्यवसाय प्रवर्धन सहयोग तथा तालिम केन्द्र र विभिन्न स्थानमा ८ वटा फार्म केन्द्रहरुलाई कार्यक्रम सञ्चालनका लागि बाटो खुलेको छ ।
कार्यक्रममा प्रदेश आर्थिक मामिला तथा योजना मन्त्री इन्द्रबहादुर आङ्वोले प्रदेश सरकारले निर्वाहमुखि कृषिलाई व्यवसायीक र आधुनिक बनाई आत्मनिर्भरत बढाउने कुरालाइ प्राथमिकतामा राखेको जानकारी दिए ।
मन्त्री आङम्वोले प्रदेश सरकारले आगामी पाँचवर्ष भित्र कृषिलाई आधुनिकिकरण गरेर पराम्परागत कृषि प्रणलीकोे अन्त्य गरिने जानकारी दिए ।कार्यक्रममा एक नम्बर प्रदेशका प्रमुख सचिव केदार न्यौपानेले नयाँ संरचना भएकाले काम गर्न केहि कठिनाइ भएपनि आफ्नो अधिकार र कार्य क्षेत्र बुझेर प्रभावकारी काम गर्न मन्त्रालयका सचिव र अन्य कार्यालयका प्रमुखहरुलाइ निर्देशन दिए ।
मन्त्रालय मातहत अहिलेसम्म कृषि विकास निर्देशनालय, पशुपंक्षी तथा मत्स्य विकास निर्देशनालय,विभिन्न जिल्लामा ११ वटा ज्ञान केन्द्र, ३ वटा कृषि ज्ञान केन्द्र सम्पर्क केन्द्र, कृषि व्यवसाय प्रवर्धन सहयोग तथा तालिम केन्द्र र विभिन्न स्थानमा ८ वटा फार्म केन्द्रहरु स्थापना भएका छन् ।
