एजेन्सी, कात्तिक २७
मंगोलियामा एउटा यस्तो कुकुर जो ब्यस्त सडकमा विगत ८० दिनदेखि आफ्ना मालिकलाई सडकमा कुरिरहेको छ जहाँ उनको मृत्यु भएको थियो ।
भित्री मंगोलियाको होहोट नामको सडकको बीचमा यताउती हेरेर बसिरहेको छ भिडियो माइक्रोब्लग सिना वेइबोमा पोष्ट गरिएको छ । गत अगस्त २१ तारिखमा मालिकको मृत्यु भएको दिनदेखि उक्त कुकुरलाई प्रत्येक दिन त्यहि ठाउँमा देखिएको जनाईएको छ ।
एक ट्याक्सी ड्राइभरका अनुसार मानिसहरुले सहयोग गर्न खोदा उक्त कुकुर भागिहाल्छ । उनले भने – ‘हामी ड्राइभरहरुले उसलाई थोरै खानेकुरा दिन्छौं तर बाहिर निस्कने बित्तिक्कै ऊ भागिहाल्छ’।
उनका अनुसार कुकुरको आफ्नो मालिकसँग निकै गहिरो सम्बन्ध थियो । ती महिलाको मृत्यु भएदेखिको यो कुकुर यहिँ बसिराख्छ । नोभेम्बर १० तारिखमा सिना वेइबोमा सेयर गरिएको कुकुरको उक्त भिडियोमा मानिसहरुले कुकुरको इमान्दारिताबारे चर्चा गरिरहेका छन् ।