६ पुस, काठमाडौं
काठमाडौं महानगरपालिकाका पूर्व मेयर केशव स्थापितले ३ नं. प्रदेशको मुख्यमन्त्रीमा दावी गरेका छन् । काठमाडौं ६ मा नेकपा एमालेबाट प्रदेशसभामा निर्वाचित सांसद समेत रहेका स्थापितले ३ नम्बर प्रदेशको मुख्यमन्त्रीमा औपचारिक रुपमा दावी पेश गरेका हुन् ।
पार्टी अध्यक्ष केपी शर्मा ओली सहितका शीर्षस्थ नेताहरुसँगको भेट पछि स्थापितले मुख्यमन्त्रीमा आफ्नो दावी रहेको सार्वजनिक गरेका हुन् ।
३ नम्बर प्रदेशको मुख्यमन्त्रीका लागि पार्टी उपाध्यक्ष अष्टलक्ष्मी शाक्य लगायतका नाम आइरहेका बेला स्थापितले आफू मुख्यमन्त्री बन्ने दावी गरेका हुन् ।
