विराटनगर, पुष १४
नाटक ‘एक रात’ आज आरोहण गुरुकुलमा मञ्चन हुदैछ । मोरङ जिल्लामा रहेका कलाकारहरुको कल्याण कोष स्थापना गर्ने उदेश्यले विराटनगर स्थित आरोहण गुरुकुलमा विश्वेश्वरप्रसाद कोइरालाको कृतिमा आधारित नाटक ‘एक रात’ आज मञ्चन हुने भएको हो । नाटकको विराटनगर २ का ईन्द्र परियारले निर्देशन गरेका छन् ।
मोरङमा रहेका क्रियाशील कलाकारहरूको सुरक्षा, हक अधिकारका लागि कल्याण कोष स्थापना गर्न लागिएको जनाइएको छ । नाटक अहिले दिउसो १ बजे र ४ बजे मञ्चन हुदैछ । नाटकबाट उठेको रकमबाट मोरङ कलाकार कल्याण कोषमा जम्मा भई यसले अभिनय, नाटक, गायन र नृत्य क्षेत्रलाई प्रोत्साहन गरिने कोषका संयोजक निरज ब्ल्याकले बताएका छन् ।
