ताप्लेजुङ, पुस २०
ताप्लेजुङको पाथीभरा बहुमुखी क्याम्पसको स्तरोन्नतीका लागि महायज्ञ आयोजना हुने भएको छ । क्याम्पसको सहयोग संकलन गर्न श्रीमद् भागवत सप्ताह ज्ञान महायज्ञ आयोजना हुने विद्यालय प्रशासनले जनाएको छ ।
उक्त महायज्ञ माघ २४ गतेबाट सुरु हुने भएको हो । २७ वर्षअघि स्थापना भएको क्याम्पसको भौतिक संरचना तथा संकाय र तह वृद्धिका लागि महायज्ञ लगाउन लागिएको क्याम्पस प्रशासनको भनाई छ ।
महायज्ञबाट संकलित रकमले शिक्षाशास्त्र संकायतर्फ स्नातकोतर तह सञ्चालन गर्ने र जीर्ण भएका भवन निर्माण गर्ने तयारी रहेको क्याम्पस प्रमुख मोहन राईले बताए । महायज्ञबाट तीन करोड रुपैयाँ संकलन हुने अपेक्षा गरिएको प्रचार–प्रसार समितिका संयोजक प्राध्यापक सजन पौडेलले बताए ।
