सास्थम कलेजमा खेलकुद सप्ताह सुरू

विराटनगर, पुस २३
विराटनगर स्थित सास्थम कलेजमा खेलकुद सप्ताह सुरू भएको छ । सो कलेजमा आजबाट खेलकुद सप्ताह सुरु भएको हो । खेलकुद सप्ताहमा विभिन्न खेलहरु सञ्चालन हुनेछन् ।

खेलकुद सप्ताहमा फुटबल, क्रिकेट, भलिबल, रिले दौड, चेस, ब्याडमिन्टनलगायतका खेलहरू समावेश गरिएको छ । सप्ताह अन्तर्गत इन्डोर खेलिने खेलहरू सास्थम कलेज मै आयोजना हुनेछ भने क्रिकेट, फुटबल जस्ता आउटडोर खेलहरू स्नातकोत्तर क्याम्पसको मैदानमा हुने कलेजले जनाएको छ ।

यस खेलकुद सप्ताहमा सास्थम कलेजमा अध्ययनरत एक सय भन्दा बढि विद्यार्थीहरूको सहभागीता रहने व्यवस्थापन संकायका प्रमुख प्रविण रिमालले जानकारी दिए । उनले खेलकुद सप्ताहमा बिबिए र बिएचएम संकायका खेलाडीहरूको सहभागीता रहने जानकारी दिए ।