काठमाडौँ : कांग्रेस केन्द्रीय कार्यालयको परिसरमै आइतबार भ्रातृ संस्था नेविसंघको दुई खेमाका विद्यार्थी आपसमै भिडे। झगडा साम्य पार्न प्रहरी आएर लाठी चार्ज गर्नुप¥यो। तर, केन्द्रीय समिति बैठक बस्ने तयारीमा रहेका माउ पार्टीका नेताहरु दोश्रो तलाबाट रमिता हेरेर बसे।,यो खबर आजको नयाँ पत्रिका दैनिकमा छ ।
झगडा मिलाउन आँगनमा झर्ने आँटसमेत गरेनन्। झडप शान्त भएपछि नेविसंघका नेता कार्यकर्तालाई पार्टी कार्यालय प्रवेशमा रोक लगाइयो। तर, त्यसपछि बसेको केन्द्रीय समिति बैठकमा आँगनमै मच्चिएको ताण्डबबारे छलफलसमेत भएन।
बोल्न खोज्ने नेताहरुलाई समेत सभापति शेरबहादुर देउवाले रुलिङ गरेर बस्न लगाए। नेता कृष्ण सिटौलाले भने, ‘नेविसंघको झगडा झ्यालमा बसेर हाँस्दै हे¥यौँ, तर केही गरेनौँ।’
