सिरहा : सरकारसँग सहमतिपछि सिके राउत नेतृत्वको स्वतन्त्र मधेस गठबन्धनको पहिलो दुई दिने राष्ट्रिय परिषद् बैठक आइतबारदेखि सुरु भएको छ। राउतले सरकारसँग गरेको ११ बुँदे सहमति र अगामी रणनीतिको बारेमा बैठकमा छलफल भइरहेको छ।
सिरहाको लहान ७ स्थित मारवाडी सेवा सदन जारी बैठकमा सहभागी सदस्यलाई नागरिकता अनिवार्य गरेको थियो। बैठकमा मोबाइल निषेध गरिएको छ। सञ्चारकर्मीलाई बैठक स्थलमा रोक लगाइएको छ।
मूल गेटबाटै राउतका आन्तरिक सुरक्षा दस्ताले कार्यक्रमस्थलको सुरक्षा दिइरहे भने सशस्त्र र नेपाल प्रहरी मूल गेट बाहिर सडकमा उभिएर बाहिरी सुरक्षा दिइरहे। कार्यक्रमस्थल मारवाडी सेवा सदनभित्र प्रवेश गरेका नेपाल प्रहरीका दुई जनालाई राउतका कार्यकर्ताले बाहिर निकालिदिएको स्रोतले बतायाे। ,याे समाचार अन्नपूर्ण पाेस्टमा छ।
