विराटनगर, चैत ५
पूर्वाञ्चल विश्वविद्यालय (पूवि) प्राध्यापक संघ केन्द्रीय सभापतिमा डा. सन्देशदास श्रेष्ठ चयन भएका छन् ।आज भएको निर्वाचनमा श्रेष्ठ विजयी भएका हुन् ।
सभापतिका लागि पू.वि.स्कूल अफ म्यानेजमेन्ट (पूसोम)का सह–प्राध्यापक श्रेष्ठ र पू.वि.स्कूल अफ इञ्जिनियरिङ एण्ड टेक्नोलोजी (पूसेट)का सह–प्राध्यापक नरेशकुमार साहले उम्मेदवारी दिएका थिए ।
प्राध्यापक संघको केन्द्रीय नेतृत्वका लागि पहिलो पल्ट दुई प्यानलबीच प्रतिस्पर्धा भएको हो । निर्वाचनका लागि विश्वविद्यालयको विभिन्न संकायअन्तर्गत सञ्चालित आंगिक क्याम्पसहरूमा प्राध्यापन गर्ने ८० जना मतदाता रहेका थिए ।
