१९ जेठ, काठमाडौं
नेपाली विद्यार्थीहरुलाई अष्ट्रेलियाका विभिन्न विश्वविद्यालयहरुमा अध्ययनका लागि पठाउनेगरी विद्यार्थी र अष्ट्रेलियाबीच पूलको काम गरिरहेको सिड्नी एक्सप्रेसले एक दिने मिट एण्ड ग्रिट प्रोग्राम सम्पन्न गरेको छ ।
अष्ट्रेलियाका विश्वविद्यालय र त्याहा पुग्ने प्रक्रिया र आइपर्न सक्ने कठिनाइका विषयमा जानकारी दिने उद्धेश्यले काठमाडौमा आयोजित कार्यक्रममा शिक्षा क्षेत्रका विभिन्न पदाधिकारी, विभिन्न्न स्कुल, कलेजका प्रिन्सिपल तथा विद्यालय संयोजकहरुको बाक्लो उपस्थिती रहेको थियो । सिड्नी एक्सप्रेसले कार्यक्रममा अष्ट्रेलिया अध्ययन गर्न जानका लागि गर्नुपर्ने प्रक्रिया , सुविधा, सहजता लगायतका विषयमा सरोकारवालाहरुसँग छलफल गरेको हो । कार्यक्रममा अष्ट्रेलिया अध्ययनका सिलसिलामा आइपर्ने समस्या हल गर्न विभिन्न किसिमका सचेतनामुलक सामाग्री पनि प्रस्तुत गरिएको थियो ।
सहभागि काठमाडौका अवार्नेस इन्टरनेशनल स्कुल, पेन्टागन कलेज, लिभरपुल कलेज, नियुज समिट कलेज, युनिभर्शल कलेज लगायतले आपसी समझदारी र सामाजिक हितकालागि सिड्नी एक्प्रेससँग सदैव सहकार्यमा काम गर्ने प्रतिबद्धता जनाएको एक्प्रेसका निर्देशक प्रकाश श्रेष्ठले जानकारी दिए ।
