इटहरी , माघ १२
उद्योग बाणिज्य सङ्घ इटहरीले आज आफनो १९ औ बार्षिकोत्सव विविध कार्यक्रमका साथ मनाएको छ । बार्षिकोत्सव समारोहको उद्घाटन गर्दे उद्योग बाणिज्य महासङ्घका पूर्व अध्यक्ष चण्डीराज ढकालले राज्यले उद्योग ब्यवसायको सहज विकासमा ध्यान दिन सकेमात्र देशले आर्थिक उन्नतीको मार्ग पहिल्याउन सक्ने बताए ।
कार्यक्रममा उद्योग बाणिज्य महासङ्घक पूर्व उपाध्यक्ष किशोर प्रधान केन्द्रिय सदस्य रोहित प्रसाइ, पूर्वमन्त्री सिताराम मेहता लगायतले विश्व बजारसँग प्रतिस्पर्धा गर्न नीतिमा सुधार जरुरी रहेको औल्याए ।
कार्यक्रममा प्रदेशसभा सांसद लिलम बस्नेत, उद्योग बाणिज्य सङ्घ सुनसरीका अध्यक्ष राजेन्द्र साह , उधोगी राजेन्द्र राउत लगायतले बोल्नुभएको थियो ।
