Nepal Times
Nepal Times
3
Shares

कैदीबन्दीद्धारा वृद्धा आश्रमलाई खाद्य सामाग्री वितरण

कैदीबन्दीद्धारा वृद्धा आश्रमलाई खाद्य सामाग्री वितरण

विराटनगर, माघ १६
शहिद दिवसको अबसरमा जिल्ला कारागार मोरङका कैदीवन्दीहरुले विराटनगर स्थित विराटेश्वर वृद्धआश्रममा आश्रितहरुका लागि सहयोग गरेका छन ।

कारागारमा रहेका कैदिवन्दीहरुले रकम संकलन गरी वृद्धआश्रमलाई खाद्यान्न तथा नगद सहयोग एक कार्यक्रमका बिच आश्रमका सञ्चालक जगत अर्याललाई हस्तान्तरण गरेका हुन् ।

कार्यक्रममा कारागारका जेलर प्रेमप्रसाद सापकोटा र कारागारका चौकीदार अभिषेक गिरीले सयुुक्त रुपमा खाद्य सामाग्री हस्तान्तरण गरे ।

कारागारमा परिश्रम गरेर कमाएको रकम भेला पारि खाद्य समाग्री जुटाएको चौकीदार गिरीले बताए । कैदीवन्दीहरुद्धारा वृद्धआश्रमलाई ११ हजार नगदसहित डेढ क्वीन्टल चामल, डेढ क्वीन्टल पिठो , ५० किलो चिनी, ४० किलो दाल मसला तथा चियापत्ती हस्तान्तरण गरेका हुन् ।

कार्यक्रममा वोल्दै आश्रमका संचालक जगत अर्यालले अन्तरदान सर्वाेपरी दान भएकाले मोरङ कारागारका कैदीहरुले गरेको सामाजिक कार्यको प्रशंसा गरे । कारागारका जेलर प्रेमप्रसाद सापकोटाले कारागारका कैदिहरुको सहयोगलाईृ अन्य कारागारहरुले पनि प्रेरणा लिनुुपर्नेमा जोड दिए । कारागारमा हाल ७ सय जना कैदीवन्दीहरु छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.