एजेन्सी, साउन ९
बेलायती नयाँ प्रधानमन्त्री बोरिस जोन्सनले पद तथा गोपनियतको सपथ लिएका छन् । बुधबार जोन्सनलाई महारानी एलिजाबेथले पद तथा गोपनियतको सपथ गराएकी हुन् ।
टेरेजा मेको राजीनामापछि सत्तारुढ कञ्जरभेटिभ पार्टीको नयाँ नेतामा जोन्सन नियुक्त भएका थिए । जोन्सनले बुधबार देखि नै आफ्नो कार्यभार औपचारिक रुपमा सुरु गरेका छन् ।
६ सय ५० सदस्यीय बेलायती संसदमा कञ्जरभेटिभ पार्टीका ३ सय १३ छन्। प्रधानमन्त्री जोनसनले डियुपीको सर्मथनमा बहुमत भएको दावी बेलायती रानी समक्ष पेश गर्दै प्रधानमन्त्री भएको हो।
जोन्सन झण्डै एक महिना लामो चुनावी प्रक्रियापछि भारी मत प्राप्त गर्दै मंगलबार सत्तारुढ कञ्जरभेटिभ पार्टीको नेतामा चुनिएका थिए ।
