साउन २६, विराटनगर । प्रमुख प्रतिपक्ष दल नेपाली कांग्रेसले सप्तकोशी उच्च बाँध परियोजनको बारेमा १ नं प्रदेश सभामार्फत सत्यतथ्य बाहिर ल्याउन प्रदेश सरकारसंग माग गरेको छ ।
प्रदेश सभाको आइतबार बसेको बैठकमा बिशेष समयमा बोल्दै कांग्रेस संसदीय दलका नेता राजीव कोइरालाले सभामुख मार्फत प्रदेश सरकारसंग परियोजनाको बारेमा जानकारी माग गरेका हुन ।
‘संघीय सरकारको क्षेत्राअधिकारमा पर्छ भनेर प्रदेश सरकार उम्किन पाँउदैन,’नेता कोइरालाले भने ‘भारत सरकारले परियोजनाको बिस्तृत अध्ययनका लागि करोडौ रकम विनियोजन गरेको छ,।’ परियोजनाको बारेमा यर्थाथ यस सदनलाई सरकारले जानकारी गराउन माग गर्दछु।’
उनले भारतले कोशी उच्च बाँधको निर्माणको लागि भनेर ७ सय करोड रुपैया बिस्तृत अध्ययनका लागि बजेट समेत छुटइसकेको अबस्थामा बाँध निर्माण भएको खण्डमा यसबाट आसपासका क्षेत्रमा ठूलो नोक्सानी हुन सक्ने तर्फ सरकारको ध्यानकर्षण समेत गराएका छन ।
संघीय सरकारको क्षेत्र अधिकारमा पर्ने भनेर प्रदेश सरकार आफनो प्रदेश भित्र निर्माण हुने यस्ता परियोजनाबाट उम्किन नहुने भन्दै कोइरालाले संघीयता सहकार्य र सहअस्तित्वमा आधारित संघीयता भएको बताउदै संघीय सरकारसंगको समन्वयमा बाँधका बारेमा प्रदेशका जनतालाई जानकारी गराउनु प्रदेश सरकारको कतब्र्य भएको बताए ।
उनले कोशी उच्च बाँध निर्माणमा तीन वटै सरकारको सरोकार त्यसमापनि सबै भन्दा बढी संघीय सरकारको मुद्धा भन्दै त्यस बिषयमा प्रदेश सरकार भने टुलुटुलु बसेर हेर्न नमिल्ने बताए ।
प्रदेश सभाको बैठकको शुन्य समयमा बोल्दै नेपाली कांग्रेसका संसदीय दलका सचेतक सुर्यामाराज राईले मोरङ पथरी शनिश्चरेमा लामो समयदेखि रहेको सुकुम्बासी समस्या हल गर्न प्रदेश सरकार गम्भिर भएर समस्या हल गर्न अग्रसर बन्नु पर्ने बताए ।
पथरी शनिश्चरे नगरपालिका क्षेत्रमा लामो समयदेखि जग्गाको दोहोरो स्वमित्वको बिवाद हल गर्न उनले माग गरे ।
बैठकमा अर्थ समितिका सभापति मोहनकुमार खड्काले समितिले तयार पारेका बार्षिक प्रतिवेदन सदन मार्फत सभामुलाई बुझाएका छन ।
