श्रावण २८, उदयपुर । उदयपुरको त्रियुगा नगरपालिका ६ लालपत्ताबाट लागुऔषध सहित २ जनालाई प्रहरीले पक्राउ गरेको छ ।
बिशेष सूचनाको आधारमा जिल्ला प्रहरी कार्यालय उदयपुरबाट खटिएको प्रहरी टोलीले स ७ प ८८०९ नम्बरको मोटरसाईकलमा सवार रहेका सिराहाको भगवानपुर गाउँपालिका- २ का २० बर्षीय मुकेशकुमार यादव र २३ बर्षीय रमेशकुमार महतोलाई लागुऔषधसहित पक्राउ गरेको हो ।
उनीहरुको साथबाट फेनारगन १ सय एम्पुल, नोर्फिन १सय एम्पुल, डाईजोल्याप १ सय एम्पुल र नगद रु. ७ हजार २ सय ३० रुपैया समेत बरामद भएको प्रहरीले जनाएको छ ।
पक्राउ परेका दुवै जनालाई जिल्ला प्रहरी कार्यालय उदयपुरमा राखि थप अनुसन्धान भईरहेको प्रहरीले जनाएको छ ।
