चिकित्सकको लाप्रवाहीले खातुनको मृत्यु

विराटनगर÷ चिकित्सकको लाप्रवाहीका कारण विराटनगर सिटी हस्पिटलमा एकजना विरामीको मृत्यु भएको छ । उपचार गर्न आएकी समिना खातुनको गएराती मृत्यु भएको हो । उपचारमा डाक्टर सितलप्रसाद यादवको लाप्रवाहीका कारण ४२ बर्षिय समिनाको मृत्यु भएको भाई नासिर अन्सारीले जानकारी दिए ।

उनी अचानक विरामी भएपछि आफन्तले कुदाएर विराटनगर सिटी हस्पीटल ल्याएका थिए । बिहिवार राती डक्टरलाई सम्पर्क गरेर विरामी ल्याएको मृतकका भाई अन्सारीले बताए । तर डाक्टर समयमा नै उपस्थित नहुदा उनको मृत्यु भएको बताइएको छ ।

खातुनलाई अस्पताल ल्याउनु अघि आफन्तले डा.यादवलाई सम्पर्क गरेका थिए । आफू तत्काल अस्पताल पुग्ने बताएपनि खातुनको मृत्यु भएको १७ मिनेट पछि डाक्टर अस्पताल पुगेका थिए । खातुनको मृत्यु विहिवार राती ९ः५० मा भएको थियो ।

चिकित्सको लाप्रवाहीका कारण आफन्तको मृत्यु भएको आफन्तले   विरोध जनाएपछि शुक्रवार विहान अस्पताल तनावग्रस्त बनेको थियो ।