१९ असोज, एजेन्सी ।
थाइल्याण्डमा ६ ओटा हात्ती झरनाबाट खसेर मरेका छन् ।
थाइल्याण्डको खाओ याई नेशनल पार्कमा रहेको झरनामा एकअर्कालाई बचाउने क्रममा हात्तीहरु मरेका हुन् । सबैभन्दा पहिले हात्तीको समूहको एउटा छावा झरनाबाट खसेको थियो र उसलाई बचाउने कोसिस गर्दा अरु पाँच ओटा हात्ती पनि खस्न पुगे ।
त्यस्तै दुई ओटा अन्य हात्ती नजिकैको चट्टानमा फसेका थिए, जसलाई प्रशासनले डोरीको मद्दतमा सफलतापूर्वका बाहिर निकालेको छ । जुन झरनामा यो घटना घट्यो, त्यसलाई स्थानीय भाषामा ‘नरकको झरना’ भनिन्छ र यसअघि पनि यहाँ यस्ता घटना हुँदै आएका छन् ।
सन् १९९२ मा आठ ओटा हात्तीको एक समूह यही स्थानमा समाप्त भएका थिए । त्यस समयमा पनि पूरै देशमा यो बारेमा चर्चा भएको थियो ।
थाइल्याण्डको राष्ट्रिय उद्दान, वन्यजीवन र वन संरक्षण विभागका अनुसार शनिबार स्थानीय समयअनुसार दिउँसो तीन बजे हात्तीको एउटा समूह झरना नजिकको सडक छेकेर जम्मा भएका थिए ।
त्यसको तीन घण्टापछि तीन वर्षको हात्तीको एउटा छावा झरनाको किनारमा मृत अवस्थामा भेटिएको थियो । अन्य पाँच ओटा हात्ती पनि मृत अवस्थामा त्यही नजिएको भेटिएको थियो ।
