५ कात्तिक, काठमाण्डौ ।
अरब सागरको पूर्वी–मध्यय भागमा विकसित भएको न्यून चापीय प्रणाली तथा पश्चिमी वायुको प्रभाव नेपालमा देखिएको छ ।
यसैको कारण देशभरिको मौसम बदली भएको जल तथा मौसम पूर्वानुमान महाशाखाले जनाएको छ । महाशाखाका अनुसार हाल देशभरिकै मौसम आंशिकदेखि सामान्य बदली भएको छ ।
मंगलबार दिउँसो देशका मध्य तथा पूर्वी क्षेत्रमा आंशिकदेखि सामान्य बदली रहने मौसमविदले बताएका छन् । यस्तै देशका बाँकी क्षेत्रको मौसम आंशिक बदली हुनेछ । मध्य र पूर्वी पहाडका एक–दुई स्थानमा हल्का वर्षाको सम्भावना पनि रहेको छ ।
आज राति पनि देशका मध्य तथा पूर्वी क्षेत्रमा आंशिकदेखि सामान्य बदली हुने र बाँकी क्षेत्रमा आंशिक बदली हुने जनाइएको छ । त्यस्तै आज राति पूर्व र मध्यका पहाडी क्षेत्रको एक–दुई स्थानमा हल्का पानी पर्ने सम्भावना रहेको मौसमविदले बताएका छन् ।
