पाँचथर, फागुन २१
मध्यपहाडी लोकमार्ग अन्तर्गत पूर्वी खण्डको ६ सय ८१ किलोमिटर सडकमा सवारी साधन सञ्चालन हुन थालेका छन ।
पाँचथरको चियोभञ्ज्याङ देखि तेह्रथुमको म्याङलुङ्गसम्म सवारी संचालनमा आउदा यात्रुलाई आवतजावतमा सहज भएको छ । पूर्वको पाँचथरदेखि पश्चिमको वैतडीसम्म फैलिएको यो सडक खण्डको पूर्वी खण्डमा यातायातका साधन सञ्चालनमा आउन थालेका हुन ।
पूर्वी खण्डको ६ सय ८१ किलोमिटर लम्वाई मध्ये केही भाग यस अघि नै निर्माण भैसकेको सडकलाई प्रयोगमा ल्याईएको ईन्जिनियर सुरेस तुम्वाहाम्फेले बताए ।
करीव ४० अर्ब लगानी लाग्ने भनिएको यो लोकमार्गले पहाडका ३९ जिल्ला मध्ये २४ जिल्लाका १९ सदरमुकामलाई छिचोलेर गएको छ । यो लोकमार्गले पहाडका २ सय १५ वस्तीका झण्डै ७० लाख जनतालाई राष्ट्रिय सडक सञ्जाल संग जोड्नेछ ।
