काठमाडौं, फागुन २७
ललितपुरको पाटनमा आगामी बुधबारदेखि ‘अन्तर्राष्ट्रिय ललित व्यापार मेला’ आयोजना हुने भएको छ । ललितपुर उद्योग वाणिज्य संघले आज ललितपुरमा पत्रकार सम्मेलन गरी मेला आयोजना गर्न लागिएको जानकारी गराएको हो ।
पत्रकार सम्मेलनमा बोल्दै संघका अध्यक्ष कृष्णलाल महर्जनले संघको स्वर्ण जयन्तिको अवसर पारेर मेला आयोजना गर्न लागिएको स्पष्ट पारे । ४ दिनसम्म चल्ने मेलामा नेपालसहित विभिन्न देशका औद्योगिक उत्पादनको प्रर्दशनी हुने व्यवस्था मिलाइएको छ ।
कृषि, हस्तकला, विज्ञान प्रविधिसहित ९० वटा स्टल रहनेछ । मेलाको अवसर पारेर संघले ८९ वर्ष पूरा भएका जेष्ठ नागरिकहरुलाई सम्मान गर्ने कार्यक्रम पनि राखेको छ । त्
यसै अवसरमा नेपाल राष्ट्र बंैक, टक्सार विभागमार्फत् संघको स्वर्ण जयन्ति लोगो अंकित एक हजारको चाँदीको सिक्का र सय रुपैयाँको साधारण सिक्का पनि निश्कासन गर्ने कार्यक्रम तय गरिएको छ ।
