आजका प्रमुख खबरहरुः
१. (कर्तव्य विमुख प्रहरी)
दिलीप हत्या प्रकरणमा दिलीपको शवको मुचुल्का नगरी प्रादेशिक अस्पतालमा पठाएपछि ढल्केवरका प्रहरी निरीक्षक रामकुमार यादव जिल्ला तानिए /घटनाको सत्यतथ्य छानबिन गरी दोषीलाई कारवाही गर्न सरकारलाई राष्ट्रिय मानव अधिकार आयोगको निर्देशन ।
२. (महरा प्रकरण)
निवर्तमान सभामुख कृष्णबहादुर महरालाई बलात्कार प्रयासको आरोप लगाउने महिला कर्मचारीको स्वास्थ्य परीक्षण गर्ने चिकित्सकलाई बयानका लागि झिकाउन काठमाडौं जिल्ला अदालतको आदेश /घटनाको विवरण कागज गर्नेहरुलाई पनि बयानका लागि झिकाउन आदेश ।
३.(राष्ट्र नायकको सम्झना)
नेपाल एकिकरणका नायक पृथ्वीनारायण शाहको सम्झनामा देशैभर २९८ औं पृथ्वी जयन्ती मनाइयो /विराटनगर लगाायत मुलुकभर प्रभातफेरी, पदयात्रा, शाहको शालिकमा माल्यार्णपण लगाायतका कार्यक्रम समपन्न ।
४.(न्वारान गरियो)
प्रदेश ३ को स्थायी राजधानी हेटौडा र नाम बागमती कायम /राजधानी हेटौडा राख्ने पक्षमा १०५ मत तथा नाम बागमती राख्ने प्रस्तावको पक्षमा १०८ मतसहित दुईतिहाई स्वीकृत ।
५.(छायामा संसद)
आइतबारका लागि बोलाइएको प्रतिनिधिसभाको बैठक विशेष कारणवश बस्न नसक्ने व्यहोरासहित सूचना प्रकाशन गर्दै माघ ६ गते सम्मकालागि स्थगित /सत्तारुढ नेकपामाले सभामुख चयन गर्न नसक्दा संसदमा सकस ।
६.(अडिग शिवमाया)
प्रधानमन्त्री तथा नेकपाका अध्यक्ष केपी शर्मा ओली र पुष्पकमलले गरेको राजिनामाको आग्रहलाई उपसभामुख डा.शिवमाया तुम्बाहाम्फेद्वारा फेरी अस्वीकार /उपसभामुखलाई बोलाएरै छलफल गर्दा पनि निकास दिन नमानेपछि नेकपा नेतृत्व संकटमा ।
७.(खोई सहमति ?)
सर्लाहीका उखु किसानहरुको सरकारी अनुदानको रकम माघ ७ गतेसम्म उपलब्ध नगराए आन्दोलन गर्ने किसानहरुको चेतावनी / अनुदान बापतको प्रतिक्विन्टल ६५ रुपैयाँ २८ पैसा दिनुपर्नेमा अहिलेसम्म नदिइएपछि सरकारलाई समयसीमा ।
८.(एमसीसीका भक्त)
सत्तारुढ दलभित्र विभिन्न वहानामा एमसीसी सम्झौताबाट पछि हट्ने चलखेल भईरहेको नेपाली कांग्रेसका राष्ट्रियसभा सदस्य जितेन्द्रनारायण देवको आरोप /सम्झौताको वास्तविक विषयवस्तुलाई अन्यत्र तोडमोड गर्ने काम भएकोमा आपत्ति ।
९.(खुल्यो ढोका)
नेपाल र चीनबीच भएको पारवहन सम्झौता कार्यान्वयनमा आयो /सम्झौता कार्यान्वयनमा आएसँगै नेपालले चीनका सातवटा बन्दरगाह प्रयोग गर्न सक्ने / चीन तर्फका ६ वटा नाकाहरु प्रयोग गर्ने सहमति ।
१०.(ब्यवहारका कुरा)
कर तिर्ने व्यवसायीहरुलाई कर कार्यालयका कर्मचारीहरुले राम्रो व्यवहार नगरेको व्यवसायीहरुको आरोप / बजारले आफै निर्धारण गर्नुपर्ने वस्तुको मूल्य निर्धारण सरकारले गरेकोले व्यवसायिक स्वतन्त्रता नरहेको उल्लेख ।
११.(फलाम उत्पादन)
नवलपरासीमा भेटिएको फलाम खानीबाट फलाम उत्खननको तयारी अन्तिम चरणमा /दैलेखमा भेटिएको पेट्रोलियम पदार्थको अन्वेषणका लागि चीनसँग सम्झौता भइ काम सुरु भइसकेको उद्योग मन्त्रालयको दाबी ।
१२.(फोहोरबाट उर्जा)
संयुक्त अरब इमिरेट्स (यूएइ)ले नेपालमा शहरी फोहोरबाट आधुनिक उर्जा उत्पादन प्रयोजनका लागि करिब १ अर्ब १३ करोड रुपैयाँ सहुलियतपूर्ण कर्जा दिने / ६९ वटा नगरपालिकामा फोहोरबाट ठूला बायोग्यास आयोजना सञ्चालन गरिने ।
१३.(कनिका छरियो)
सरकारले घोषणा गरेको ३२ वटा औद्योगिक ग्रामहरुको पूर्वाधार निर्माणका लागि स्थानीय तहरुलाई ९२ लाख निकासा गर्न उद्योग मन्त्रालयको निर्देशन/ तीन महिनाभित्र अत्तरिया, धनगढी, इटहरी र विराटनगरमा औद्योगिक करिडोरको सम्भाव्यता अध्ययन गरिने ।
१४.(डिभिजनको दौड)
रुस्लान थ्री स्टार क्लब ‘ए’ डिभिजन लिगको छैटौ चरणमा फ्रेन्ड्ससँग १–० ले स्तब्ध /अर्को खेलमा ब्रिगेड ब्वाइजसंग गोलरहित बराबरी खेल्दै सरस्वतीले जोड्यो पहिलो अंक / लिगमा सोमबार २ खेल हुने ।
र,
१५.(अनियन्त्रित आगो)
अस्ट्रेलियामा लागेको आगो अहिलेसम्म पनि रोकिएन /आगलागीबाट अहिलेसम्म २८ जनाको मृत्यु / कम्तीमा दुई हजार घर र झण्डै ५० करोड जनावर र पशुपंक्षीको मृत्यु।
