काठमाडौं, चैत १
सभामुख कृष्णबहादुर महराले संविधानको रक्षा र आवश्यक्ता अनुसार प्रयोग गर्न सांसदहरुको गम्भिर ध्यानाकर्षण गराएका छन् । सभामुख महराले ठूलो संघर्षपछि प्राप्त संविधानलाई सार्थक बनाउने दायित्व पनि सांसदहरुकै भएको स्मरण गराए ।
आज काठमाडौंमा आयोजित दलित सांसदहरुको सम्मान कार्यक्रमलाई सम्बोधन गर्दै उनले नयाँ संविधानले सबै क्षेत्रलाई अधिकार दिएको पनि बताए । सभामुख महराले समावेशी र समानुपतिक सिद्धान्त समेत संविधानमा व्यवस्था गर्नु ठूलो उपलब्धि भएको पनि स्पष्ट पारे ।
सभामुख महराले सामन्तवादको अवशेष अझै विद्यमान रहेको उल्लेख गर्दै त्यसलाई अन्त्य गर्न पनि सांसदहरुलाई सचेत गराउनुभयो ।
