१६ माघ, एजेन्सी । काराबाओ कप फुटबलमा म्यान्चेष्टर सिटी प्रतियोगिताको फाइनलमा प्रवेश गरेको छ । बुधबार राती भएको खेलमा म्यान्चेस्टर युनाईटेडसँग १–० गोल अन्तरले पराजित भएपनि समग्रमा ३–२ को जित निकाल्दै सिटी फाइनलमा पुगेको हो ।
यसअघि पहिलो लेगको खेलमा म्यान्च्ेस्टर सिटी ३–१ ले विजयी भएको थियो । बुधबार राती भएको म्यान्चेस्टर डर्बीमा युनाइटेडलाई जिताउन सर्वियन खेलाडी नेमान्जा माटिचले ३५ औं मिनेटमा निर्णायक गोल गरे ।
तर १–० को जित युनाइटेडलाई फाइनलमा पु¥याउन पर्याप्त थिएन । फाइनलमा पुगेको म्यान्चेस्टर सिटीले अब उपाधिका लागि मार्च १ मा एस्टन भिल्लासंग खेल्नेछ । पहिलो सेमिफाइनल खेलमा लेष्टर सिटीलाई पाखा लगाउँदै एस्टन भिल्ला फाइनलमा पुगेको हो ।
