२४ माघ, विराटनगर । विराटनगर महानगरपालिका-१२ बखरीको उखुबारीमा एक युवतीको शव फेला परेको छ ।
घाँटीमा सलले बेरेर हत्या गरेको अवस्थामा युवतीको शव फेला परेको मोरङ प्रहरीका प्रहरी नायब उपरीक्षक लोकदर्शन थापाले बताए । अन्दाजी २४/२५ वर्षीया देखिने युवतीको घाँटीमा चोट देखिएको छ ।
थापाका अनुसार उखु काट्न गएका मजदूरले शव देखेपछि प्रहरीलाई खबर गरेका थिए । तराई मूलको जस्तो देखिने ती युवतीको पहिचान खुल्न सकेको छैन । प्रहरीले शवको मुचुल्का उठाउने तयारी गरिरहेको थापाले बताए।
